سؤال جدي للحقوقيين فقط... ومحصور حول ممارسات "الرفيق" بوتين... الملهم العظيم في روسيا…
وبربي إلي ما يعتبرش روحو حقوقي... ولاّ إلي باش يجاوبني بما انو بيدن قالها... وما نعرفش شكون آخر... فإذا بوتين موش مجرم حرب. أو يعمل فيها مهف... ويحاول يتلف الجرة.... ويجاوب بالتذكير بجرائم الحرب إلي اقترفوها الصهاينة والماريكان والناتو في مناطق أخرى من العالم ومنها في فلسطين والوطن العربي... ولي نددو بيها الحقوقيون قبل غيرهم... وموش بالشعارات...وإنما بالخدمة والتقارير والتوثيق... إلي تضغط على الحكومات في وقتها... وتبقى للتاريخ... هذا راهو تتليف للجرة... وجواب خارج الموضوع...وهوما يعرفو أنهم يعملو فيه..
وطبعا معاهم كل الضمائر الحية في العالم أجمع... وموش كان في تونس والوطتَن العربي ... هذا راهو تتليف للجرة... وجواب خارج الموضوع...وهوما يعرفو أنهم يعملو فيه.. وخصوصا هو تبرير مجرم لجرائم بوتين ... خلفيته عقلية متوحشة ضد حقوق الشعوب في تقرير المصير... وضد اولى حقوق الإنسان وهو الحق في الحياة... والحق في الأمان …
رهاني نترصد... خاطر شخصيا... ماعنديش أصدقاء متوحشين من هذا القبيل. فبحيث.... سيدي خويا... للة اختي... إلي عاملي فيها حقوقي/ة... وينك؟ كي نشوف الحسابات والتدوينات والتعليقات والبيانات... ونشوف انو لتوا ما تحركتلك حتى شعرة....بربي آش تحبني نخمم؟
ياخي شبيك لتوا ما استنركتش حتى من شفايفك بركة جرائم الحرب الفضيعة الي يقترف فيها يوميا منذ ثلاثة أسابيع... مجرم الحرب بوتين في أوكرانيا؟ علاش؟ ياخي عندك حقوق الإنسان ماهيش كونية وشمولية وعالمية؟ أو أنها فيها ازدواجية المعايير... كيف ما يعملو الماريكان والغربيبين؟
ولا بالكشي تحسبها فيها حسابات... أو تمييزية... أوعنصرية... أو موظفة لأطراف سياسية... أو بايعة ضمائرها لأنظمة استبدادية...أو أنها بوتينية؟ يا والله أحوال... قداش ما عادش ثمة أخلاق عند البعض... حتى في التظاهر بالدفاع عن حقوق الإنسان…
حقوقيو التشعبيط في المواقع قبل المواقف... دنسوه النضال الحقوقي...بعد ثورة من أجل الحقوق والحريات!!