برشة استئصاليين ساندو الإنقلاب...وكانو يحلمو أنو ضد النهضة وموش ضد الناس لكل...وضدهم هوما زادة...وضد الشعب الذي يريد..هههه … عاد رغم انهم قلبو الفيستة عليه....بعد ما مصمصو من التسلق في تلابيبه...وأصبحو كيف غيرهم من الشعب الذي يريد...شاددين الصف في غرغور السخانة على الباقات...وهذا كان ما رجعوش بخفي حنين...وتراصيلهم حتى ملوخية رأس العام يمكن يترشفوها بالمغرفة....هههه …
عاد في عوض يفيقو على أرواحهم...إلي هو انقلاب للتخريب... تخريب البلاد وكل شيئ فيها واستئصال الجميع...ما زالو يكذبو على الشعب الذي يريد... كتبت هذا... خاطر قريت لواحد أحمق يظهرلي طاست مخو مزتفة بالبيتوم... عاقل الدنيا كان بالنهصة.... ومشى في بالي بعد الثورة أنو أصبح ديمقراطي...وما حبش يفهم بعد عامين من الإنقلاب.. أن المنقلب على الدستور ما عندوش مشكل خاص مع النهضة كيفو...وإنما مع الجميع…
وإنما مشكلو مع الحرية والديمقراطية ووجود قوى وسيطة في المجتمع...يعتبرها هي المسؤولة على الأزمة إلي يعيشها...ويعتبرو هو زادة مشارك في الأزمة معاهم ومرشح أيضا للإستئصال...هههه …
وهذا يقول فيه ويأكد عليه المنقلب في كل مناسبة...في مواقفو وممارساتو...ويخدم باش يستأصلها لكلها....والأحمق هذا رغم مرور عامين ما زال موش فاهم...هههه …موش فاهم الأحمق هذا... أن المنقلب بدى بالنهضة لأنها أقوى حركة سياسية...ولوكان جات ثمة قوة سياسية أخرى أقوى منها راهو بدى ببها…
خاطر السياسة علاقة قوة...والمنطق الميكانيكي البازيك... يقول نبداو بالأقوى نستأصلوه.. ومن بعد نكملو على الباقي..كيف في كل حرب... وموش قاعد يشوف الأحمق هذا... انو المنقلب تعدى سيديجا يصطاد في الباقي منذ أشهر...في قضية التآمر المفبركة...وضد الصحفيين والمحاميين والنقابيين والمدونين...الخ...وحتى إلي عملولو الفارينة....وحتى إلي ساندو الإنقلاب..هههه …
لكن المشكل إلي باقي مكوخرني…
بربي كيفاش ناس عاملة فيها متثقفة...ونشطاء من ضمن القوى الوسيطة المرشحة للإستئصال.... ويعرفو تجربة بن علي قبل...بضرب النهضة والإجهاز على البقية...وكنا نبهناهم وقتها... ياخي ردونا توابع نهضة...هههه… وكيفاش رغم أننا عاودنا نبهناهم بعد الإنقلاب.. وذكرناهم ببن علي...وزادو الحمقى هاذم سبونا…
كيفاش بربي مازالو عاقلين الدنيا بالنهضة...ويندعيو انها المستهدفة بالإنقلاب وموش الناس لكل والحريات والديمقراطية..وهوما خالطين على الجمع لا محالة؟ بريي موش هاذم مازوشيست...إذا كانهم فاهمين اللاوس... ومازالو نادهين في نفس خرافة أمي سيسي على طول؟ هههه …
وإلا موش حمقى أوكري...إذا كانهم جهلوت وعاملين فيها ثقفوت؟..هههه …
يا والله أحوال…