إلي ينظرو ضد الديمقراطية التمثيلية... على علاتها ولي يلزم ديما نقدها لإصلاحها ولتطويرها... راهم يحبو يكونو امثلين وحدهم في الساحة السياسية... خاطر ما يستعرفوش بالتعددية السياسية في المجتمع.. إلي بطبيعتو متعدد اجتماعيا .
يحبو يمثلوه وحدهم...ضد طبيعتو.. الشموليين هاذم. ويحبو يحكمو وحدهم... وزادة على طول...بدليل أنهم عمرهم ما يحكيو على التداول السلمي على السلطة...إلي ما يستعرفوش بيه…
وراهو هذا علاش جاء الإنقلاب على دستور ديمقراطي وتعددي... يا مغفلين...بربي وقتاش بش تفيقو؟ ووقت تفيقو...راكم بش اتدافعو قبل كل شيء.. على وجودكم انتم السياسي.. قبل غيركم.
عاد يضحكوني برشة إلي ما زالو شاددين صحيح.. انو انقلاب كان ضد النهضة... وضد الفساد...وموش ضد نظام ديمقراطي تعددي...منظم في الدستور على أساس الديمقراطية التمثيلية.
وما تلقاش في بياناتهم ومواقفهم.. حديث على انقلاب على دستور وافقو عليه... و دفاعا عن الحريات السياسية... وقيم المواطنة وقيم الجمهورية..الخ.. وعبارات مثل ديمقراطية ومواطنين... الخ..
وزيد يا بوقلب مواصلين... رغم الأمور نومرو 117...ورغم تحالف القيسون المكشوف مع الحيتان الكبار.. لمحاربة الفساد. وكالعادة في كل حكم الفرد الاستبدادي او الشمولي او الفاشي.. باش يتمكن من ذلك... يلزم يستأصل غيرو من القوى السياسية من التمثيلية في مؤسسات الدولة...هذا كان ما حطهمش في بوفردة..ولاّ يصفيهم جسديا... جملة.
ياخي سيديجا نسيتو بن علي؟ يا والله أحوالهم... شموليين لعبهالهم شمولي.. ومواصلين يعملولو في الفارينة.