واحد من هاك المتحوشدين المتخوشدين...كان يجاوب كيف إلي ينقدو سيدهم... ويعنعنو كي الديسكو المكسر أسفل التدوينات والفيديوهات...في عبارات مثل "غايرين منا".. ولاّ "كلنا قيس" وكذا.... وكأنهم ماخذين تكليف من كل الناس باش يتكلمو باسمهم.
وتجي تسألهم علاش يساندو في الإنقلاب.. وشنوا باش يجيب ليهم غدوة... تلقى ما ثماش.. وما عندهم في طاست مخهم... كان تصفية حسابات مع إلي حكمو قبل.... بالرسمي.. زعمة طاست مخهم هاذم لابأس؟ بربي شكون غاير منا؟ ... وعلاش سيدي خويا؟
تي سميلي حويجة وحدة يا مهف.. كانها موجودة في طاست مخك... خاطر في الواقع ما ثماش. زعمة غايرين منا على تطور تونس المذهل منذ الإنقلاب.. للي ولينا نتوراو بالصبع في العالم؟ ولاّ على امك الصنافة... َوالعجز التجاري المتفاقم...و التسول عند صندوق النقد والاتحاد الأوروبي وأمريكا... الخ؟
ولاّ على نقص الفارينة والسميد والخبز بالصف.. والسكر والزيت، والبنزين، والقهوة، والتاي.. الخ.. والناس تشقى ومرة تلقاها ومرة ما تلقاش ؟ ولاّ على "صبو ولآ ما صبوش"... الشهريات للناس... إلي ما عادش تجي في وقتها.. وأصبحت غير مضمونة غدوة؟
ولآ على غلاء المعيشة المطرد...ولي فاق الأرقام المسجلة في "العشرية "السوداء"؟ ولاّ على تفاقم البطالة لدى الشباب... أكثر مما كانت عليه في"العشرية السوداء"... بسبب تعليمات صندوق النقد للمنقلب على الدستور... بالتقليص من حجم كتلة الأجور للدولة... وتقلص الإنتدابات في القطاع الخاص التونسي والأجنبي بسبب انعدام الرؤيا السياسية والإقتصادية.. بسبب الإنقلاب.
ولاّ على تدني مستوى التعليم والصحة والنقل والسكن اكثر فأكثر منذ الإنقلاب؟ ... وهي كلها من حقوق المواطنين إلي فشل في معالجتها القيسون منذ انفراده بالسلطة بعد الإنقلاب على الدستور... والناس موش قاعدة تشوف في تونس وفي الخارج... انو باش يقدر يعالجها..
ولاّ في تفكيك الدولة... وخصوصا المؤسسات إلي مثلت مكاسب للثورة؟ .. وكنا نطالبو بيها وقت بن علي... وقت المنقلب على الدستور كان يخدم مع حزبو... مثل حل المجلس الأعلى للقضاء المنتخب.. وكانت هاذيكا الطريقة الوحيدة رغم صعوبتها... باش ننجحو نعملو بيها قضاء مستقل.. ويحارب الفساد في صلبو.. وكل الموروث السلبي إلي فيه من وقت بن علي…
او غلق هيئة مكافحة الفساد... و الاستحواذ على ملفاتها بقوة الأمر الواقع... وما ثماش نص قانوني سابق الوضع يسمح للرئيس بالقيام بتلك الفعلة.. إلي يمكن يتحاسب عليها غدوة كل من شارك فيها..
وهجرة العقول والمختصين التوانسة إلي كونهم التعليم العمومي من عرق التوانسة عن طريق الضرائب... للدول الغربية إلي ما صرفتش عليهم يورو... وهذا شكل عصري من أشكال الاستعمار الجديد ... ولاّ على تفاقم حرقة وهجرة الشباب؟ ...وهذا بعشرات الآلاف...لانسداد الأفق أمامهم في مستقبل يعيشو فيه بكرامة فى بلادهم...رغم خطر الغرق إلي تعرضولو العديد...
والقايمة مازالت طويلة.. ومنها طبعا تفاقم انتهاك الحربات.. و الاستحواذ على مفاصل الدولة بمعدومي الكفاءات... الخ.. وهاني ما حكيتش زادة على دستور القيسون المتخلف مدنيا وحقوقيا ومجتمعيا وعصريا ومؤسساتيا وجمهوريا وديمقراطيا.... ولي ينبئ ببئس المصير…
عاد نعرف واحد شباب يافع... ومتحمس للحشد المتحوشد... وكان زادة هو يعنعن هكاكا.. تلك العبارات أسفل التدوينات والفيديوهات... في الصفحات المنتقدة للانقلاب... ياخي سمعت بيه المهف حرق لطاليا. تلقاه مشى يعمل في حملة تفسيرية في لمبدوزا؟