دولة عظمى قاعدة تفتق في دولة صغيرة..وتدمر فيها وفي بنيتها الحيوية ... وشعبها مرعوب... وهارب من ديارو وحتى من بلادو... مرعوب من نيران الحرب... وخوفا على صغارو وعلى حياتو...ولاّ لاجئ تحت الأرض..
وتقرا لتوانسة... طحانة لبوتين المجرم... ويمجدو فيه.. وزيد يكذبو بكل وقاحة...ويقولولك فرحانين... خاطر المجرم بوتين.. قاعد يأدب في أمريكا.
وقت أمريكا.. بعد ما شعلت النار... قاعدة تتفرج في مذبحة شعب...وزيد قالت قبل الحرب للمجرم بوتين... انها موش باش تتدخل..يعني عندو طريق مفتوح لاقتراف جريمتو.. ويدمر بلاد وبهحر شعبها...
ورئيس أوكرانيا زاد أكدت ذلك اليوم في الإعلام .. وقت قال خلاونا وحدنا... عاد ها الطحانة التوانسة للمجرم بوتين...ياخي هاذم بشر توانسة كيفنا؟ .. ولاّ متوحشين؟
بروباڨندا اجرامية
يساندو.. أو يبررو في جرائم حرب... يقترف فيها بوتين في أكرانيا.. وفي بالهم ينظرو.. وراي سياسي. هي جرائم جسيمة في القانون الدولي الإنساني..
وموش خاطر بوتين عندو السلاح النووي إلي يحميه من العقاب كمجرم خطير... تولي ما عادش جرائم جسيمة... فبحيث...السياسة أخلاق... وموش مساندة الجرائم الجسيمة..
وها إلي ماشي في بالهم انو موضوع سياسي للنقاش وشكونو المسؤول وشكون بدى...الخ... طاست مخهم موش آدرة تفهم.... انهم يبررو ويساندو وفيهم حتى شكون يمجد... في سياسية إجرامية... نتيجتها جرائم جسيمة ضد شعب..
وأنهم قايمين بدور مساندة معنوية... و يعاونو في المجرمين البوتينيبن (وموش الروس) في البروباڨندا الحربية متاعهم.