أعلنت صفحة الداخلية ما يلي:
"الإحتفاظ بأشخاص على خلفية ارتباطهم بصفحات مشبوهة…
تُعلم وزارة الدّاخليّة أن النيابة العمُوميّة بأريانة أذنت مؤخرا بالإحتفاظ بـ 04 أشخاص مُنتمين لأحد الأحزاب السّياسيّة وذلك على خلفية ارتباطهم باستخدام صفحات مشبُوهة على مواقع التّواصل الإجتماعي دأبت على تأليب الرّأي العام والتّحريض على مُؤسّسات الدّولة ونشر الإشاعات مُقابل تبييض أشخاص شملتهم الأبحاث في قضايا فساد وتآمر على أمن الدّولة.
علما وأن الأبحاث لا تزال متواصلة قصد إماطة اللثام عن كلّ من يقف وراء التحريض ونشر الإشاعات وجميع المتورّطين في هذه الأفعال المُجرّمة."
فبحيث...الخبر مبهم... حول الحزب المذكور…
وحول... اسم الصفحات…
وحول...في ماذا يتمثل تأليب الرأي العام...
وحول...في ماذا يتمثل التحريض على مؤسسات الدولة..
وحول... في من هي مؤسسات الدولة هذه…
وحول ما هي الإشاعات..
وحول... من هم الأشخاص المشمولين في الأبحاث في قضايا فساد وتآمر على أمن الدولة والمقصود تبييضهم…
وحول.. في أي اتجاه تتواصل "الأبحاث"…
عاد كي قريتو الخبر المبهم هذا...قمت نضحك... هههه هههه … وقلت مسكينة سلطة الإنقلاب الشمولية...داخلة في حيط...وموش عارفة كيفاش تسلكها...هههه… هي قررت باش تبحث....في ما تعرفش فاش باش تبحث...هههه هههه … لأن المطلوب... بعث الرعب عند الناس حتى يسكتو...ههه هههه … هذا إلي فهمتو خوكم سخصيا...عند قراءة الخبر بسرعة بالدياقونال…
فهمت أنو تهديد مرمرم ومبطن للجميع...بدون استثناء...لكل من ينقد على وسائل التواصل الإجتماعي سلطة الأمر الواقع الإنقلابية.... يعني على خطى خطب المنقلب... متاع الصواريخ على منصاتها...الي يهدد بيها الخونة والعملاء والفاسدين...بدون ما يسمي حد.. خايف لا يشكيو بيه وتراصيلو زادة هو يبحث...وقت غدوة ينتهي الانقلاب....هههه …
وهذا وقت هو إلي المتآمر على أمن الدولة بانقلابو على دستور الثورة هو وأزلامه...الدستور الشرعي والوحيد اليوم... وهاذي جريمة ما زالت مستمرة...و سيحاسبون...هههه … وهوكة برشة سيديجا قدمو شكايات في الميوضوع ضدهم....وسيقع البحث فيها لا محالة... بعد زوال الانقلاب إلي ما زال متواصل لحد الآن...وضد كل من يكشف عنه البحث من المشاركين فيه.. وما نيش نفداك في هاذي راني...
يعني بكل صحة رقعة...ننقلب على دستور الثورة...ولي فيا....نردو فيك....هههه… وبحيث...الهدف الحقيقي والمبطن من هذا الخبر المبهم عن قصد...ولي ما يعملوه كان الشموليين بهذه الطريقة كسلاح...هو الإعتداء على نطاق واسع على حرية التعبير…
وهو يأتي في مخطط ترهيبي متصاعد لمنعها...بتلفيق قضية ضد بعض المواطنين بمنطق أضرب القطوسة...الخ...هههه …وللتذكير بشوية تاريخ...عله ينفع من لا يعلم...من الحمقى... بن علي راهو عملها قبل جيست بعد الإنقلاب على بورقيبة... وقتها لفق قضية للمناضل جلول عزونة وحطو في السجن... وكان هذا من أجل مجرد بلاغ إعلامي. . ينتقد فيه كيفاش د البوليس السياسي وميليشيات بن علي...قامو بتهشيم سيارات أعضاء حزب الوحدة الشعبية أثناء اجتماع في الوطن القبلي...تلقاو لأخذ قرار حزبي في معارضة سياسة بن علي..
وأثناء المرافعة وكنت من المحامين المترافعين وقتها.. رفع تقرير من البوليس السياسي ضد الأستاذة راضية النصراوي...ولفقت لها تهم مجلسية مغرضة لأنها ما فلتتش بن علي...وسخسختو...على أنه هو المسؤول على الجريمة...ههه…
واوقفت في سجن منوبة للنساء لأسابيع....كيف ما يعمل توا المنقلب على الدستور ضد المحامين...وآخرها القضية المفبركة ضد 14 محامي فرد ضربة في محكمة بنزرت...لأنهم قامو بواجبهم طبق القانون..في الدفاع عن منوبهم وزميلهم المخطوف نورالدين البحيري..
عاد بن علي كان يتجرأ على محامية وحدة...ويوقفها.. لكن هذا يخدم فيها بالجملة وبالباكو فرد ضربة وحدة... أربعطاش جملة يا بوقلب...عدى الموجودين في السجن في قضايا مفبركة....ههه… وهي أول مرة تحصل في تاريخ افريقية...ومنذ عليسة... وما صارتش حتى وقت الحماية.... ههه … وهو رجوع موش لما وراء الوراء...لربما قبل التاريخ...هههه
عاد نرجعو توا لميضوعنا....بعد هذا الإستطراد حول طبيعة العلو الشاهق الفولكلوري....ولتذكير علفتو المؤيدة ليه في الفايسبوك بالتاريخ...علهم يرجعلهم شاهظ العقل.. لا تراصيلهم غدوة كيف أزلام بن علي....من محكمة لمحكمة.. .وسجن لسجن...ويعيطو وينهم الحقوقيين...ههه …
هذا البلاغ...راهو يهدف لتخويف الجميع من حق التشهير اعلاميا للتصدي للإنتهاكات الفضيعة للحريات التي تحصل يوميا لوأد حرية التعبير وحمل المواطنين على الصنصرة الذاتية... أمام تفاقم انتهاك حقوق الإنسان كل يوم أكثر فأكثر...لتكريس الرأي الواحد والدعاية الخشبية والفكر الشمولي الذي يقود سلطة الإنقلاب. .. لكن بعد الثورة...الشعب الذي يريد...تعلم حرية التعبير علاوة على مطالبته بالعيش الكريم. وما يكبر في عينو حد...والحس الشعبي غير مستقر.. وعلى هذاكا فترات الإنتقال الديمقراطي غير مستقرة...وهذا حصل في كل البلدان....
لكن يبطى شوية...ههه....خاطر في لخر بن علي هرب رغم أنو طول...وأزلامه راصاتلهم يتنقلو من محكمة لمحكمة ومن سجن لسجن. .. ومن أنذر....وخيكم حقوقي وما نحبش في الناس ..وما نحبهاش تقترف جرائم... وتراصيلي نطالبلها يمحاكمات عادلة...ههه …
وبحيث...انشالله البحث هذا ما يكونش زادة تحل على أساس قانون الإرهاب..خاطر وقتها نوليو نرحمو على بن علي إلي كان يستعمل كان في مجلة الصحافة سيئة الذكر ...وموش قانون الإرهاب..وهي التي ألغيت بالمرسوم 115 بفضل الثورة... هههه … موش قلنالكم يا أيها....... الحكاية راهي رجوع لما وراء الوراء؟
ولا ما زلتو تساندو في هذا الإنقلاب على دستور الثورة ومكتسباتها...يلي ماعادش حتى اينجم ايسميكم فمي؟