قبل شهرين من الإستفتاء على دستور جديد... غير معلن لحد الآن...دستور سري قال لاخر. نعملو زادة مرسوم احكام استثنائية للاستفتاء.. لتغيير قانون اللعبة لمصلحتنا... قبل التصويت بشهرين.. وهي بدعة اخشيدية أخري.
عاد هيئة البوصاع اللادستورية.... إلي تفشلم برشة وعاملة فيها تعرف قواعد اللعبة الإنتخابية.. باش تغطي على ما تقترف فيه منذ تنصيبها... ولي تنصبت باش تشرف علي تزوير إرادة الشعب والسيادة الشعبية ..عوضا عن الهيئة الدستورية الشرعية إلي ما كانتش قابلة بالتزوير…
عاد طبعا طبعا هيئة البوصاع... باش اتطبق التعليمات الجديدة إلي آذنها سيادتو بتنفيذها في شكل مرسوم وباش تندعي انها اتطبق في القانون. فبحيث... كل شيئ عملو خوصة على قد صبعو... سيدنا الملهم العظيم ... وطبعا هيئة البوصاع متاعو... هيئة من ذهب ذوق 24... مع هيئات منصبة أخري.
هاكي لجنة البندقية (اللجنة الاوروبية من أجل الديمقراطية بالقانون )... التابعة لمجلس أوروبا... قالتلو:
* نحي هيئة البوصاع... ورجع هيئة الإنتخابات الدستورية الشرعية…
*و اعمل انتخابات تشريعية سابقة لأوانها…
*وما تبدل القانون الإنتخابي إلا بالتوافق مع الأحزاب السياسية…
يا هيئة البوصاع...راهو الإنسجام استحقاق. اعضاء من هيئة البوصاع... كأنهم يطالبو ضمنيا... بانتخابات رئاسية وتشريعية سابقة لأوانها إيه نعم يا أكارم. .
خاطر توا بربي وقت تلقى منصبين في هيئة البوصاع متاع القيسون الملهم العظيم... يشككو في أعمال هيئة الإنتخابات المستقلة الدستورية والشرعية... ويقولو ان أعمالها لم تحترم القواعد التي تضمن انتخابات نزيهة... ياخي عاملين فيها ما يعرفوش انها أشرفت ونظمت الإنتخابات التشريعية... والرئاسية أيضا؟
وياخي هذا موش معناه بالضرورة إعادة تلك الإنتخابات.... إذا كان الهيئة هاذي عملت تجاوزات؟ فإذا كان عملت تجاوزات في التشريعية... معناها عملوها زادة في الرئاسية... و طلعوه .مالا علاش ينحي فيهم المنقلب على الدستور؟ إذا كان هوما متاعو.... كيف هيئة البوصاع؟
وطبعا هوما يعرفو زادة تقرير محكمة المحاسبات... إلي حكى على الانتخابات التشريعية... والرئاسية أيضا... ومثلا هاك الڨروبات إلي فيها ثلاثة ملاين ونصف... ولتوا ما صارش تحقيق شكون وراها... وشكون مولها... ومنين ؟
وزيد يعرفو انو فازة الحملة التفسيرية والقهوة وكذا.. ما جدت كان على المغفلين.. الخ... ولاّ وقت يلزم نلقاو كراسي لتبرير التنصيب في هيئة البوصاع للإنقلاب على الدستور... نوليو نهزو من الجابية ونحطو في الخابية... باش نعللو الإمتيازات إلي ناخذو فيها بالنصيب في هيئة البوصاع؟
فبحيث... المنصب ديما يلوج على شرعية... حتى لوكان من دون أن يدري يمشي التسترة على عرف الشجرة القيسوني القاعد عليه؟ يا والله أحوال... قداش تغفيص.
وهاني موش باش نحكي على واجب التحفظ... خاطر تغفيص كيف هذا... بالإنحياز علنا لمولي نعمة التنصيب... ضد خصومه السياسيين في المجلس التشريعي... والتستر على الرئاسية...هو اعتراف بالمكشوف انو هية البوصاع غير مستقلة عن المنقلب على الدستور .
آما كي تجي تشوف هاذيكا أحوال الفارينة... تاخذ وتعطي. شخصيا ما مسخفني كان الإخشيدي... موش لاقي على شكون يعمل بالصحيح.