عاد فقت الصباح وكلمت صديقي شيخ المناضلين الديمقراطيين التقدميين عزالدين الحزقي...إلي كان من الأوائل...ومنذ عقود...فاهم شمعناه دولة المواطنة الديمقراطية وقيم الجمهورية في العصر الحديث.. ومناضل ضد الاستبداد ووجهه الثاني الفساد…
وللتذكير... وبين قوسين للشبيبة…
بو العز راهو كان أول مناضل بعد انقلاب بن علي على بورقيبة.. وبمناسبة الأنتخابات الرئاسية في 1989...يطالب بالحق الإنتخابي...ويتجرأ كمواطن يطالب بحقه في الترشح ضد بن علي... وأعلن وقتها أنو من حقو كمواطن يترشح ضدو ....وروج عريضة صححو فيها برشة وانا كنت من بينهم...رغم ان الدستور إلي عملو بورقيبة على قياسو لا يسمح بذلك.. ولي بعد انقلاب بن علي عليه أصبح على قياسو هو…
ووقتها.. وللتذكير أيضا .. كانت الأطراف إلي صححت على الميثاق الوطني لبن علي تدعو للتصويت ليه...ولي رفضت تدعو للمقاطعة…
وبالتالي كان بو العز من السباقين الأوائل في النضال من أجل التعددية في الترشح للانتخابات الرئاسية مع غيره من المناضلين طبعا....لكنو امتاز عليهم عمليا بطرح مبادرة سياسية أحرجت بن علي…
وثمة برشة حوايج أخرى قبل...وبعد…
وهذا كان من بين الأسباب إلي لزت بن علي من بعد...وعمل تعددية في الانتخابات الرئاسية.. لكنها بقيت شكلية…
ولوكان موش هو وغيرو من المناضلين الديمقراطيين وقتها وبعدها ناضلو من اجل حرية الترشح للرئاسية ضد الحكم الفردي...راهو المنقلب على دستور الثورة ماهوش رئيس اليوم...هههه هههه وبحيث...إلي باش يعمل فيها عصبانة ونص....يترص عنينة...ويأخذ دروس ويتعلم...ملي ساهمو في التاريخ…
عاد كي كلمت الصباح بو العز...ما عجبنيش كحقوقي وكمحام طريقة التصرف معاه.... ولأنو موش محامي....وخاطر تصرف الأعوان كان لائق...ظهرلو أنو تصرف قانوني... عاد قالي بو العز...أنو جاووه للمنزل برشة برشة اعوان... ما نجمش يحسبهم...هههه هههه هههه… واستظهرو بإذن من النيابة في تفتيش المنزل...وقاللهم اتفضلو...ودخلو وفتشو في كل مكان...حتى بيت النوم... وتحت الأسرة أيضا..ههه…
تلقاهم يلوجو على صيد ثمين متخبي عندو...وتعرفوه شكون...ههه …تلقاه مجرم كبير ضد المنقلب على دستور الثورة....ههه
لكن من بعد هزوه في سيارة لدار المجرم الكبير...هذا إلي هو ولدو.. واسمو جوهر بن مبارك...ومربيه على قيم المواطنة وقيم الجمهورية...ولي هو راهو زادة صاحبي...رغم نهيق الناهقين متاع الفارينة لهاظاكا...وزادة إلي في طاست مخهم الشمولية يلزم كل مواطن يفكر كيفهم...ميكانش راهو عدو....ومازالو موش في عصر المواطنة لكن في مجتمع الرعية… هههه
وهذا كذلك بمقتضى إذن ثاني من النيابة...ودخلو للدار... وفتشوها بحضوره...وبدون حضور صاحبها...وما لقاوش جوهر فيها...وطبعا ما نساوش شفما تحت السرة...هههه… وفتشو الأوراق...وفي لخر خذاو بلوك نوت....قرابة خمسة ورقات....وهزوهم معاهم...ومعاهم بولعز... لمقرهم....تقولش عليه ورقة سادسة...هههه
وثمة عملو زوز محاضر تفتيش..واحد فيه أنو ما لقاو شيئ في دارو...والثاني أنو هزو خمسة أوراق من دار ولدو..وطلبو منو يصحح عليهم... وبعد قالولو كملنا معاك سي عزالدين...وتوا باش نروحو بيك لدارك...ياخي قاللهم هاي بنتي جات وهي محامية ونحب نروح معاها... لكنهم أصرو وتمسكو أنهم يروحو بيه كيف ما جابوه...في بالهم متربين. . وهوما يواصلو في منعه من حريته....عقلية...ههه.. وموش فاهمين انو مواطن حر...وبما انو موش محل احتفاظ....وهو حر...ويقرر وحدو كيفاش يمشي ويجي...ومع شكون...هههه
عاد نحب نقوللكم في الأعمال هاذي النيابة المحترمة...راهي خرقت القوانين الإجرائية الأساسية...ولي هي موش شكلية كيف ما قال لاخر إلي ما يفهمش فيها... ولي بدونها ما ثماش محاكمة عادلة... وهذا يحصل طبعا بما انها تخضع لتعليمات رئيس النيابة الحالي الي يعتبر أن قرينة البراءة ماعناش..ههه.. والقاضي إلي يحكم بالبراءة في قضية يباشرها البوليس السياسي مشارك في الجريمة..هههه هههه
وبحيث...ما عندهمش الحق يتصرفو في حرية شخص....وفي حقه في التنقل وعدم التنقل...ويهزوه ويجيبوه وين يحبو... وقت هو لا متلبس بجريمة...وما فيهش بطاقة تفتيش...وموش صادر ضدو إذن بالإحتفاظ...وموش صادر ضدو قرار بالايقاف التحفظي...يعني واقعا وقانونا...في دولة قانون هذا اسمو اختطاف واعتداء على الحرية الذاتية ويعاقب عليه القانون...خصوصا وقت عايلتو لم يقع إعلامها بالإجراءات المتخذة معاه... وهوما ما علموهاش...بمن فيهم بنتو إلي يعرفوها محامية…
وزيد هو مالو؟...شمعناه يهزوه...وزيد بإذن من النيابة يا بوقلب..باش يحضر في تفتيش دار شخص ثاني...وفي القانون هو شيئ أخرق وباطل بطلانا مطلقا...وحتى لوكان ولدو...طالما أنو موش ساكن معاه... وزيد يطلبو منو يصحهلهم على محضر حجز أوراق موش موجودة في دارو..ولا علاقة له بها شخصيا...وموش متاعو..هههه … وهذا راهو باطل بطلانا مطلقا...لأنه ممضى من غير ذي الصفة القانونية...ولا عمل به قانونا..
موش قلنالكم خرق الإجراءات الجزائية الأساسية موش حاجة شكلية.. كيف ما اندعى هاظاكا إلي ما يفهمش فيها؟ ههههه ههههه … كابيتو توا...ياجماعة الفارينة للإستبداد....يلي عاملين فيها تلوجو في تبريرات من الحيط...بكل وقاحة...باش تندعيو أن الإختطافات المتواترة من البوليس السياسي المتجدد...صاير في إطار القانون؟
صحيتو.. ما زال كان ما عملتولوش ليهم الأستفيدات كيف القوادة وقت بن علي الي حطمو عايلات...ويطيح الكف على ظلو....يا ولله أحوالكم قداش ولات متوحشة...هههه… وبحيث...موش خاطر البوليس السياسي المتجدد... متاع المنقلب على دستور ثورة الحقوق والحريات وكرامة المواطنين والكرامة الوطنية والسيادة...
موش خاطرو كان متربي مع بو العز...شيخ المناضلين ضد الإستبداد..يعني أنو احترم القانون..وتصرف كأمن جمهوري.. هههه …بو العز معذور...ماهوش قانونجي...هو راجل فاضل...و كتب تدوينة كإنسان يؤمن بالقيم الإنسانية...وزيد الكبدة تعمل...والمنقلب على الدستور يحب يخطفلو ولدو....ويلفقلو قضية....
لكن آنا محامي وحقوقي...وما نفلتهمش وقت يعتديو على الحقوق والحريات ...وقرينة البراءة والمحاكمة العادلة.. ويتعسفو على المواطنين من أجل ممارسة الإستبداد والفساد على التوانسة....علاوة على تجويعهم... وهاي تزادت عليها العنصرية ضد إخوتنا الأفارقة....
أه حقة... بو العز كلمني صباح الواقعة...وأنا كنت نخدم في المحكمة في بنزرت..وكان طايرتلو برشة منهم..ههه...تقولش عليه شمها بالحدس شنوا آش باش يصير... الراجل راهو قديم برشة في الميضوع ويفهمها وهي طايرة... وماركة متعودة...ههههه
عاد قتلو موش لازم تتعب وتتنقل...الجماعة راهم حكايتهم فسفس...يغفقو وظهرهم للحيط بعد فشل التشريعية المزورة... بربي دزها تنبير وراهم ما عندهم وبن يوصلو....وهاني مبرمج هبطة لتونس عن قريب وتو نكلمك ونحكيو... لكن بعد سويعات سقطو عليه...إلي قاعدين يسقطو على المعارضين و المواطنين... طلع خشمو يشمهما خير من خشمي...هههه هههه هههه