العزوزة هازها الواد.. وعدها بش تغرق.. وهوما مازالو "ينظروا" لتصحيح المسار... ويعملو في الفارينة. تي موش باش تفيقو على رواحكم؟ ولاّ تستناو حتى بعد ما تتخذ عليكم تشريو مكحلة؟ يا والله احوالكم .
حكم فردي مطلق يقرر في كل شيئ.. وما يعرف حد.. ومسكر على روحو غرفتو المظلمة ..ويحلم بدولة َتشبه لدولة أفلاطون.. وزيد موش فاهم كعبة...لا في الإقتصاد.. لا في السياسية.. ولا حتى في كيفاش يتعمل الباس سانيتار.
والبلاد داخلة في حيط وماشية تجري نحو الإفلاس والإنهيار الإقتصادي والإحتماعي... ومزيد من الفقر والجوع..
وحكومة صورية... تخدم عندو بصطاجي..ما تسمعش حسها... وكان سمعتوه راهو بش تقلو ماشالله وميزانبة اقتصادية واجتماعية تجويعية يحضرلكم فيها ، ما تجرأتش تعملها الحكومات المتتالية والمجلس الي فرحتو كيف نحاهم يوم 25…
وطبعا مانيش نحكي على القمع... وتوظيف القضاء... وتدجين الإعلام... و انتهاك حقوق الإنسان... ودوس قيم المواطنة.. وقيم الجمهورية.. والإنقلاب على دستور ديمقراطي... إلي ما تفهموش فيهم... ولاّ كان تفهمو عندكم حكاية فارغة..
فبحيث... بش توقفو الفارينة؟ ولاّ ما زلتو على قدام؟ ولاّ تستناو في حيط البانكة يقوللكم نيات... والو ما ثماش فلوس... كلاهم الحمار بعد ما كلا الدستور.
عار... و فضيحة..
ما قلقهمش الحكم على المرزوقي.. في السرية، ودون محاكمة علنية و عادلة.. بأربعة سنوات سجن غيابيا..و مع النفاذ العاجل!!... بسبب تصريحات!!!
ما قلقتهمش الفضيحة الحشدية هاذي... وكيفاش الإخشيدي يحب يوظف القضاء... سياداتهم متقلقين لا يوليلهم المرزوقي زعيم وطني!!
يا والله احوال.. ويا فضيحتهم هوما زادة…