برشة ساندو التحول المبارك في 25..واندعاو انها حركة تصحيحية...وقشتلو إلي قالو انقلاب شعبوي من أجل حكم فردي استبدادي وتهموهم بالعمالة والسقوط في حجر النهضة.
ياسر تضحكني هاذي اليوم... قبل كنت نعتبرها حجة صبيانية متاع إلي ما عندوش حجة وما تستحقش الوقوف عليها ..خاطرهم اليوم هاظوكم بما انهم ماعادش يقولو حركة تصحيحية.. وبعد ما بعثهم المنقلب على الدستور يلعبو في كتب الجغرافيا وناده على طول في إقصائهم من الحياة السياسية... لقاو أرواحهم هوما زادة في نفس الحجر إلي اختلقوه.
وما نحكيش عاد على هاك التحاليل الخشينة برشة... متاع العشرية السوداء..إلي مارسو فيها لأول مرة في حياتهم حريتهم وحقوقهم... مثل حرية التعبير بمختلف الوسائل...وعملو كتب وجرائد بدون صنصرة.. وحتى إذاعات... الخ.. وعملو أحزاب وجمعيات وحلولها مقرات.. ونظمو اجتماعات وتجمعات... وشاركو في الانتخابات بحرية بتقديم قوائم رغم ان العديد منهم يعرف انو صفر فاصل..الخ…
وكل ذلك بدون ما يتعرضو للتعذيب... والمحاكمات الجائرة والسجون لسنوات طويلة...و الفرز الأمني وقطع الأرزاق... والخوف والرعب اليومي من الحاكم.. ولي هو من أسس اي نظام حكم فردي مطلق.. وهانو اليوم على الأبواب.. بما انهم سهلولو العملية. يعني العشرية السوداء إلي اصبحو فيها عباد.. وموش كيف كانو قبلها نوامر في الحبوسات...او نكرات في قطيع آدمي.
عاد قمت الصباح.... وبالمناسبة صباحكم بالخير... ولوجت شفمة جديد عند هؤلاء... ودرت على برشة صفحات وحسابات.... ولوجت على مواقف جديدة من خطر ها الحكم الفردي إلي على الأبواب... نلقاها نيات.... يا أولادي عبرو ما دام ما زال عندكم شوية حق فيه... شكون يعرف على غدوة…
هاي حتى هيئة تزوير الإرادة الشعبية... هيئة البوصاع ومسحان البلار.. قالتلكم ماعادش عندكم الحق في التعبير إلا برخصة منها.
وقولولنا مثلا... وملخر.. باش تشاركوها ولاّ لا... في تزوير الإرادة الشعبية... ولعب دور التياس.... وبدون مقابل زادة؟