ينش في الذبان... ويندعي ان نسبة المشاركة أعلى من الدور الأول. ولي يندعي أنو شاف صف... نبلوكيه. خاطر تفرجت توا في أخبار تونس 25...ومراسليها في الجهات... ما شافو َوما صورو.. حتى ربع ربع صف.
والصور في مراكز الإقتراع... توري انها فارغة من الناخبين...تقولش عليها تنش في الذبان والمراسلين صرحو بهذا... وزيد اكدو انو النساء ما ثماش... والشباب.... هاظاكا إلي كتب دستور البني القاعدي على الحيوط... طلع زادة ما ثماش... وطلع لا يريد.
والعديد من الصحفيين صرحو بانهم تمنعو من التصوير... في الندوة الصحفية إلي عملتها هيئة تزوير الإرادة الشعبية... والأمور هاذي راهي وقت تصير تأشر عادة انو ثمة تخوف من الشفافية... و لربما يكون ثمة غرض في نفس يعقوب... تخفيه بعض النفوس الفارينية المتعودة على الإشراف على مكاتب الإقتراع من وقت بن علي .
وللتذكير... وقت بن علي التصوير كان ممنوع...إلا للمخولين تخوفا من كشف عدد المشاركين الحقيقي ... وللتخفي عند حشو الصناديق وزيد ثمة شكون من المشرفين على الإنتخابات في الجهات تشكى من غياب الملاحظين عن المترشحين.. ومن المجتمع المدني..
لكن مولى هيئة البوصاع ومسحان البلار... يندعي أنو نسبة المشاركة اكثر من الدور الأول وين وقتها شفنا بعض ربع ربع الصفوف.. وقاللك انوالنسبة محترمة. وزيد السيد هذا ظاهر فيه طلع مهف برشة في الإنتخابات.
طلع ما يعرفش انو ديما وقت تكون ثمة إنتخابات على الأفراد في دورتين... تكون نسبة المشاركة في الدور الثاني اقل من الدور الأول .. لتغيب ناخبين مساندين للمترشحين الفاشلين في الدور الأول عن التصويت في الدور الثاني..
فبحيث... يظهرلي مولى الهيئة عندو زادة هو أفكار عالمية جديدة... مستمدة من البنى القاعدي .