الناس لكل سمعت بإيقاف المهدي بن غربية...لكن إلي ما يعرفوهش الناس ان الملف القضائي كيما تأكد عليه هيئة الدفاع.. تجي تحل الصرة ما تلقاش حتى خيط.. لكن خلينا من هذا.. هو الآن من أنظار التحقيق..وهانا في انتظار ماذا سيتولد عنه..
لكن المشكل اليوم إلي يأكد عليه مهدي بن غربية... هو التنكيل... بولدو اليتيم ولي ما بقالو كان بوه... الناس لكل تعرف ان زوجتو توفات ربي يرحمها، وخلات وليد اليوم عمرو خمسة سنين، وبوه من وقتها بعد على السياسة وشد الدار يربي فيه…
وبالطبيعة وفاة الأم في السن هذاكا خلات للطفل برشة أمور نفسية... لكلكم تتصوروها.. عاد ملي توقف المهدي...طلب حقو في الزيارة الأسبوعية... لولدو بدون حواجز..... موش ليه... خاطر هذا لمصلحة ولدو النفسية ... هو سجين سياسي قديم مدة سنوات وقت بن علي... ومتعود على ظروف السجن…
ويقول انو موش مشكلو لول وقتاش يخرج... مشكلو لول هو الصحة النفسية متاع ولدو... وزيد قاضي التحقيق آذن بالزيارة بدون حواجز... لكن إدارة السجون رافضة... قتلك آنا قررت كان مرة في الشهر...والباقي من وراء القضبان!!! بربي شنوا ذنبو ها الطفل اليتيم في كل هذا؟ ويشوف بوه هكاكا بعد ما خسر أمو؟
وهوكا المهدي في اضراب جوع... ومطلبو زيارة ولدو بدون قضبان.. وعندو شهر مضرب عن الطعام... وسلطة الأمر الواقع مازالت شادة صحيح...ويمشيش في بالكم ما في بالهاش؟
هي من اول من علم...السيد راسل وزيرة العدل المشرفة على السجون... ووزيرة المرأة والطفولة المشرفة على حقوق الأطفال... فبحيث... هذكا الحكم الفردي... حتى حقوق الأطفال يدوس عليها...قالو محاربة فساد وكذا... برشة ضحك
وهذا بلاغ صادر عن هيئة الدفاع من المحامين متاعو..
تونس في 28.11.2021
بيان إلى الرأي العام
يواصل المهدي بن غربية للأسبوع الرابع على التوالي اضراب الجوع الذي يخوضه منذ يوم الجمعة 5نوفمبر 2021 للمطالبة بحقه في مقابلة ابنه الطفل ذي الخمس سنوات في زيارة مباشرة دون حواجز وبشكل دوري، مثلما تقتضيه المصلحة الفضلى للطفل المنصوص عليها بمجلة حمايته وما تفرضه أحكام الفصل 30 من الدستور.
وبالرغم من انقضاء شهر كامل عن الزيارة الاولى والوحيدة التي سمح له فيها بزيارة ابنه يوم 27.10.2021 تواصل الهيئة العامة للسجون والإصلاح حرمانه من حق ابنه الطفل في زيارته بالرغم من الحصول على اذن في ذلك من قاضي التحقيق منذ يوم الخميس 25.11.2021 .
وأمام اللامبالاة التامة للهيئة العامة للسجون والإصلاح واصرارها على حرمان المنوب من حقه، توجه المهدي بن غربية من سجن إيقافه يوم الاربعاء 17 نوفمبر برسالتين لكل من وزيرة العدل و وزيرة المرأة وشؤون الأسرة لتحميلهما المسؤولية عما يلحق ابنه الطفل من ضيم واذى وما يمكن أن يحصل له من ضرر نفسي بسبب حرمانه من رؤية والده لاسابيع طويلة بعد ان فقد امه منذ أشهر فقط .
ان هيئة الدفاع إذ تساند منوبها في مطلبه الشرعي و المشروع والحياتي في تمكين ابنه من مقابلته بشكل دوري فإنها تنبه الجميع وخاصة الهيئة العامة للسجون والإصلاح ومن ورائها وزيرة العدل والسلطات القضائية المتعهدة بملفه الى التدهور المستمر لحالته الصحية بعد ان فقد حوالي 15 كيلوغرام من وزنه.
و نكرر بخصوص المنوب المهدي بن غربية التنديد بالتوظيف السياسي لبعض أجهزة السلطة التنفيذية و خاصة مصالح فرقة الأبحاث الجبائية و لجنة التحاليل المالية، و كذلك البعض من الجهاز القضائي و أساسا النيابة العمومية، و نحتفظ بحق المنوب في تتبع كل من سعى الى إختلاق تهم مفبركة بعيدة عن الوقائع اللتي إنطلقت منها التتبعات و غريبة عن أي تمش قضائي عادل و نزيه و محايد، و من دلائله إهمال قرينة البراءة، و تعمد إستهدافه باستحداث قرينة الادانة التي يقبع بمقتضاها المنوب في السجن منذ 17 أكتوبر 2021."