برشة يندعيو انهم يساريين...لكنهم لا يؤمنون بحقوق الإنسان في عالميتها وشموليتها.. ولا بمبادئ وقيم المواطنة... ولا بقيم الجمهورية الديمقراطية...ومنهم يا بوڨلب من لا يؤمنون بالمساواة التامة بين الجنسبن... ومع عقوبة الإعدام…
ومنهم حتى شكون يا بوڨلب.. موش مشكلة عندو التعذيب والمحاكمات غير العادلة وقت يتعرضولها الخصوم السياسيين!!!...يا بوڨلب يا بوڨلب... شيئ مقرف...وهاذم ما يتهزوش بمقص النار!!! هاذم يحملو فكر شموَلي... وأحيانا فاشي.. مختصين أساسا في ترويج الشعارات الشعبوية المعادية لقيم المواطنة والإنسانية..
هاذم مخطرين على مستقبل تونس...لانهم يعرقلو وحدة اليسار على قيم اليسار المتعارف عليها عالميا... والتي لا يبنى إلا عليها في عالمنا المتحضر هذا... ملخر... هاذم أيضا... اعداء الشعب والكتيبة الخامسة للشعبوية والإستبداد والفاشية ...والشعارات الثورجية الي يروجوها دقان حنك…
وعندهم مسؤولية جسيمة في فشل. تحقيق أهداف الثورة.. فبحيث … الفرز واجب … لإعادة البناء على أساس تلك القيم والمبادئ….من جديد.. وبدونهم…وضدهم.. أمور موضوعية هاذي لإنقاذ تونس …
ما فيهاش مجاملات… ولا علاقات ذاتية… ولا تاريخ مشترك في النضال ضد الإستبداد…تو يحكيو عليه المؤرخين هذاكا.. الخ… خاطر موش مهم إن كانو واعيين او لا بما يقترفون في حق الشعب… فالسياسة بنتائجها دائما….
وكل واحد يتحمل مسؤوليته… بالنظر فقط للواقع الموضوعي… وكفى مجاملات فقد بلغ السيل الزبى..