ايا هاي سهام عملتلكم زادة قضية متعلقة بالانقلاب على بورقيبة واختطافو وسجنو مدى الحياة بدون حتى محاكمة مع تحريم الزيارة عليه وحتى من اهلو واقاربو …
ايا وينكم توا "جماعة" بورقيبة... الكذابين؟ باش اتدافعو على بورقيبة ولا على بن علي...انتم الي هللتو بالانقلاب وقففتو لبن علي...واليوم عاملين فيها اتدافعو على بورقيبة؟ ولا عينيكم باش تتلخبط؟
وزعمة باش تستدعاكم المحكمة لخيانة بورقيبة ولمشاركتكم في الانقلاب بالمساعدة او المساندة؟
وانتم زادة الي سكتو على سجن بورقيبة مدى الحياة بدون محاكمة...وأصبحتو "بورقيبيين" خاطر فيها منفعة انتخابية...زعمة باش تحاسبو رواحكم على خيانة الزعيم التاريخي وقتها...صاحب المكاسب الي تتدثرو بيها اليوم... وقت كان حي ومريض وحاشتو بيكم...وقت كانت طايحه بيه وذن القفة؟
ذكرتكم بسهام...خاطركم موش باش تنجمو تقولو المرة هاذي سهام تخدم عند النهضة الي تحب تصفي حساب تاريخي مع بورقيبة...خاطر النهضة فرحت برشة بانقلاب بن علي على بورقيبة...وقالت ربي من فوق وبن علي من لوطى ...
انتم في الأصل ضد العدالة...وتلوجو على تعلات...ومخرجات دغمائية ...لا غير... وزادة هنا نخاطب في بعض التقدميين إلي خدمو معاكم في قضية مقتل بن يوسف... وقبل ضد هيئة الحقيقة والكرامة...وما شفتهمش يدافعو على بورقيبة وقت كان حي ومخطوف من طرف بن علي…
زعمة توا بش ايقولو محاكمة بن علي نبش في القبور ونبش في التاريخ؟
هههههههه