استحواذ واستعمال موارد الدولة لمشروع شخصي…

قالك استشارة إلكترونية للشعب الذي يريد... وبحدهم يناقشو فيها سياسيا وقت هي عملية تدليس واسعة النطاق للإرادة الشعبية ...وانقلاب عليها.. بعد الإنقلاب على الدستور.!!!

ماشافوش استحواذ واستعمال موارد الدولة لمشروع شخصي... كيف وقت استحواذ التجمع على موارد الدولة... وما شافوش استغلال الوظيف للمنفعة الخاصة...هاكي متاع الفصل 96 من المجلة الجنائية.

وما تساءلوش علاش إتلاف المعطيات... بعد المسرحية التدليسية لإرادة الشعب...وقت هي من وسائل الإثبات أمام محكمة جنائية... إلخ.. فبحيث... راهي هاذي كانت تهم توجهت ضد هاظوكم... إلي كانو يترفكو لبن علي.

وبحيث.... موش كان التمويل الخارجي للأحزاب جريمة وما فيهاش نقاش... زعمة هاذي زادة موش جرايم؟ خاطرها وطنية... ومكسية بالمشروعية الفاشستية ؟

طبعا يلزمك تقاطع الاستشارة الإلكترونية.. المدلسة.. و إذا كان تحب تشارك فيها سيدي خويا... راهو هذا زادة حقك.. لكن وقتها... راك تولي جزء منها...

في تحصل... تولي وقتها انقلابي زادة... كيف هاظاكا.

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات