حقة...نسيت ما قلتلكمش..هههه … بورقيبة وبن علي ربي يرحمهم...عند "ثلبهم"...ويلزم تفهمو هذا نقد مواقفهم وممارساتهم السياسية…أقصى عقوبة لذلك...كانت ثلاثة سنوات سجن... المرزوقي...ربي يهديه...ما شكا بحتى حد...هههه … رغم كثرة السب والشتم والتجربح في شخصو... وبرشة ذبان خريف ما خلى ما قال فيه..هههه… تلقاه خاطر تعلم مقتضيات حرية التعبير في رابطة حقوق الإنسان…
السبسي ربي يرحمو...رغم انو مضروب برشة في عرفو بورقيبة...لكنو محامي ويفهم في القانون...وحسب علمي والله أعلم...شكى مرة وحدة كمواطن طبق القانون وموش كرئيس...وما استعملش البوليس والجهاز القضائي باش يعفس في من تعرض له...وخسر القضية... هههه …
توا الفازة أصبحت وزارة جملة... بو عشرة سنين .. بالمرسوم الشهير... نومرو 54... وطبعا هذا كان ما توليش فازة سرية متاع تآمر وكذا حول قهوة وشيشة...هههه...وممنوع التداول فيها...هههه… وقتها تنجم توصل العقوبة للمؤبد وحتى الإعدام...انتي والموظفين إلي باش يحكمو فيها... هههه …
وزيد عاد كل الموظفين من مختلف القطاعات المعنية…مكلفين بإماطة اللثام عن هذه الأمور الخطيرة...هههه...ومعاقبة الخونة والمتربصين والمناوئين والميكروبات...الخ... اعييت من عصران طاست مخي لتذكر بقية الأوصاف الجميلة هاذي....هههه …
موش قلناكم علو شاهق...وجدا...جدا...زادة؟ ورجوع إلى ما وراء الوراء...ههه…
آه حقة زادة....تي ما كانتش الفازة هاذي موجودة حتى وقت الاستعمار....عفوا الحماية...هههه … وقت الحماية...مولى الحماية عمل لينا مجلة جنائية...عام 1913...ولي مازلت تخدم لليوم...ههه... وعمل فيها فصل 67 يعاقب بجرد دريبة...وموش حتى وزارة... اقتراف "أمر موحش" ضد الباي...واستثنى منو حرية التعبير والنشر…
لكن في العلو الشاهق قامو يطبقو فيه....عيني عينك...معيز ولو طارو في جرائم النشر والتعبير...هههه....تقولش عليهم ما يفهموش القراية بالعربية الفصحى...هههه … ويخطفو ويعتقلو في المواطنين عليه..لمجرد تدوينة..ههههههه …
فبحيث...شنوا رايهم توا جماعة الفارينة؟ ههههه ههههه … ولي بش يعلق هاش آس...ويخرج من هذا الموضوع المحدد والمتعلق بحرية النشر والتعبير...باش يغطي الميضوع بسحابة من دخان لتبرير الإستبداد.. آنا وراه والنقر طويل...هههه هههه …