ذاكرتهم قصيرة برشة…

أهوكا فتكم بالحديث... يا أنتم أصحاب الذاكرة القصيرة...أزلام الإخشيدي المتسلقين... حبيت نذكركم فقط... ان المش صورة ناصعة للزلم الإخشيدي ...نوع لا دين لا ملة والدنيا مع الواقف...

ياخي موش هو إلي جابو النكرة هذا.. وأخرجه من العدم السياسي؟ موش هو إلي ملول جابو للقصر عندو.. وعينو مسؤول الشؤون القانونية؟ وموش هو إلي من بعد عينو وزير داخلية في حكومة الفخفاخ... وتميز وقتها بتبرير قمع الإحتجاجات وتبرير الإعتداءات على الحريات والتغطية على الفساد؟ .. (راجعو كانكم عاملين فيها موش في بالكم... مداخلاتو في المجلس وقتها)...

وموش هو إلي من بعد عينو وزير أول برتبة رئيس حكومة...وفرضو بالشانتاج وبدون تشاور على الكتل البرلمانية خلافا للدستور... كان عندكم ذاكرة طبعا...والكتل صوتتلو خوفا من حل المجلس؟

يلي عاملين فيها وسادة الإخشيدي… موش صفقتو لتعيينه وقلتو اختارو الإخشيدي من رجالاته… ومن بعد صفقتو لنيله الثقة في المجلس؟ فبحيث…. المش منكم وإليكم وللإخشيدي يرجع…وهو صورة مكبرة منكم…

وزيد يندعيو بكل صحة رقعة انهم باش ينقذو تونس من براثن الوسادة البرلمانية. هانا شفنا مشطرة منهم بالمش.

ياخي هاك المتخوشدين… إلي قالو انهم باش يتجمعو من كافة انحاء البلاد… ويطالبو بانقلاب عسكري… وزيد في عيد الجمهورية يابوڨلب…و يزيدو من تفشي الكوفيد وجرائم التضحية بحياة المواطنين يا بوڨلبين… زعمة وين حيهم؟

وهانا نستناو في مواقف الأحزاب من الدعوة هاذي.. هاك إلي تندعي الدفاع عن قيم الجمهورية الديمقراطية والحريات..

يا والله أحوال…

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات