حسب الدستور... قانون تجريم التطبيع يلزمو 109 صوت في المجلس... وسادة الحكومة وعلى راسها النهضة... وعلى الأقل جزء منهم.... قالو أنهم مع التجريم.. وبلاش بيهم ما ثماش قانون...
فإذا كان بالحق نحبو قانون تجريم.... وموش الحكاية قضية مزايدات وتشكيب وتمركية بونتوات... علاش يتسب إلي عبر انو مع التجريم وقت يقول أنو مع التجريم ... من طرف لي يطالبو بالتجريم؟ موش يلزم تركيز النقد علي ما عبرش على موقف؟ خاطر السياسة راهي بالنتائج يا أكارم ...
ونذكركم انو من الاكيد والمؤكد.. باش تتقوى الضغوط والتهديدات الأمريكية والاوروبية على تونس ضد التصويت على التجريم... كيما حصل وقت نقاش الدستور...في وقت أتعس اليوم... البلاد فلستها الحكومات المتعاقبة وهي في حاجة لقروض من عندهم او بضمانهم ... لتسديد الديون وموش حتي للتنمية... وهاذي تخريجة بداو يستغلو فيها ويسوقو فيها توا جماعة موش وقتو…
خاطر بعد ما ياقف العدوان الحالي... وهاو يقولو على قريب ... وتخفت الخطب الرنانة وأصوات الشعارات... ونتعداو كالعادة لموضوع آخر...وعنا إعلام ماشالله مهف في الموضوع...
زعمة وقتها ما يرجعوش في الحياصة... جزء من النواب إلى قالو اليوم انهم مع التجريم...ويعملولها كراسي... والكراسي موجودة عنا تبارك الله وعلى كل لون يا كريمة؟
ومن جهة ثانية... شبينا ناسيين ان الإخشيدي يقول ويكرر.... انو التطبيع كلام فارغ... وهو خيانة عظمى ياخي ما تتساءلوش لوكان المجلس يصادق على القانون الإخشيدي يبصم عليه ... ولا لاّ؟
آنا تتساءل... خاطر تعلمت في صغرتي في حومتنا ... وقت واحد يشوط الكورة بالقوة وعالية برشة ... نعرفو يحب ايسطحها في ديار الجيران الي يغزوها... ويوقف الماتش... موش يحب يمركي في الڨول قدامو…
عاد حبيت نقول... إلي يحسبها وحدو ومتهني.. ويحسبها تحلت... راهو يفضلو...وديما زادة....