السيد اتدخل في شؤوننا الداخلية... وخذى موقف مع الإنقلابي القيسون..ضدنا... أحنا معارضي الانقلاب... ولي رافضين الدستور غير الشرعي للقيسون ..
زعمة لوكان تونس تتدخل في الخلافات الداخلية الجزائرية...و تساند طرف ضد آخر.. يقبل تبون؟ ولاّ حاسب تونس إيالة عند سيادتو؟ وزعمة وقتاش يخلطو عليه بقية الدكتاتوريين في العالم ؟
من الروس بقيادة مجرم الحرب بوتين... والشنوة... والدكتاتوريين في بلدان العالم أجمعين؟ ومانيش نحكي على الحكام العرب المستبدين... هاظوكم طيور كواسر ما تلقاهم كان فرحانين...بالدكتاتور. خاطر الطيور على أشكالها تقع.
فبحيث... وينهم عاد جماعة السيادة ضد ماريكا ؟ ياخي ميسالش لخرين يتدخلو في شؤوننا وخلافاتنا الداخلية... ويساندو طرف ضد أخرين؟ يا والله دمغجة بالسيادة.. عملوها حصان طروادة... لأغراض دكتاتورية .
وهاني نستنى في البيانات المنددة بالإعتداء على السيادة التونسية . لكن نعرف باش يبطى شوية . تعدات 24 ساعة... ولتوا ما شفتش بيانات تنديد بتدخل تبون السافر في شؤوننا الداخلية.. و مساندته للقيسون ضد المعارضين لإنقلابه ولدستوره.
فبحيث..شقولكم نبدلو الفصل الأول من دستور القيسون... ونردوه :"تونس دولة مستقلة ذات سيادة ... وتبون الحاكم الفردي في دزاير... خوها الكبير" وبحيث... السيادة يلي تفشلمو ببها... لأسباب تتعلق بالتجاذبات والمزايدات السياسية الداخلية .. وتمركية البونتوات على الخصوم السياسيين..
راهي سيادة ضد اي تدخل خارجي مهما كان... من دولة كبيرة...ولاّ صغيرة... وحتى لوكانها شقيقة ونحبوها.. وخصوصا وقت تكون من حكومة دولة شقيقة.... ما تتعداش... تبقى في الحلق.
خاطرها كيف الطعنة في الظهر.... لثلاثة أرباع الشعب التونسي... الموش مستعرف بدستور القيسون... غير الشرعي ولي ما عندوش مشروعية شعبية.. لخرين معروفين.... أعداء... وما عنا ما ننتظرو منهم…
يا والله نفاق سياسي…