تناقلت وسائل الإعلام العالمية... ان الهند سقطت في أزمة كوفيد خطيرة جدا... ففي 24 ساعة... ألفين من الوفايات... و300 ألف إصابة جديدة... من بين مليار و300 مليون هندي..
جيت نقارن مع تونس في 24 ساعة الأخيرة... نلقى 107 وفاة...2205 إصابة جديدة... من بين حوالي 10 ملايين توانسة عايشين في تونس…
عملتو الحساب؟
موش لازم تعملوه... أحنا أتعس منهم بارشة برشة في عدد الوفايات... وموش بعاد عليهم في عدد الإصابات الجديدة... مقارنة طبعا بعدد السكان…
مبارح مثلا... مشيت نتسوق في منزل جميل قبل المغرب... لا كمامات ولا هم يحزنون...تلوج علّي لابسينها بالفتاشة.. والناس على بعضها أمام المخابز...وداخل المغازات المغلقة الاكتظاظ العادي بدون كمامات... الخ…
توا َوقت الحكومة ما تحملتش مسؤوليتها وماجابتش اللقاح على بكري... ياخي وضع الكمامة وغسل اليدين مرارا والتباعد الجسدي.. صعيب لها الدرجة؟
وما تقولوليش الحكومة وحدها مسؤولة... خاطر يولي كذب... موش على الحكومة... هي سيديجا مسؤولة... وإنما كذب على المواطنين بتبرئتهم من مسؤولياتهم الشخصية في حماية أنفسهم وحماية غيرهم... وهذا سقوط أخلاقي...