باش تعرفو إلي الإستبداد والفساد وجهان لعملة واحدة... شوفو شكون يعمل في حملة نعم اليوم. ساعة ثمة الحشد المجرم...إلي لم برشة لمبن في وسطو...وطبعا اللمبن فاسد... لانو يعمل السياسة بمقابل.. المنافع مت جهاز الدولة ... أو الفلوس طول…
وهوكا مكلفين بمهمة الإعتداء على المقاطعين للإستفتاء المزور... وين يشوفهم في الشارع... ولاّ في الفايسبوك.... وحتى علي يعملو في حملة لا ما سلموش منهم.
وثمة إلي كانو من أعمدة نظام بن علي للإستبداد والفساد.. وهاو اليوم... بعد أخرين... طلع علينا رئيس منظمة الأعراف متاعو... السيد حلف بالثلاثة باش يصوت بنعم... قالك موش نعم وحدة... نعم.. نعم... نعم...ثلاثة مرات يا بوڨلب. يمشيش زادة الفرادي يصوت ثلاثة مرات كيف وقت بن علي ويفسدلنا الإستفتاء؟
وطبعا ثمة برشة أخرين... كانو ميليشيات بن علي إلي ما كان كيفو حد في سبرو...واليوم موجودين في الحشد.. خلف مسؤولين اخربن كانو من أزلامو.. تي هو حتى القيسون بيدو... موش كان من أزلام بن علي؟ كيفاش ما ياقفوش معاه بربي عروفاتو متاع وقتها؟
فبحيث... الطيور على أشكالها تقع.
وطبعا ما نيش نحكي على أحزاب الديكور القيسوني الجديد... جماعة الموقع قبل الموقف.. هاك إلي يحملو الفكر الشمولي. هاذم نقولولهم مبروك عليكم التحالف الجديد. والحسب والنسب الجديد مع أزلام بن علي.
وربي يحنن القلوب على بعضها .
تمشيوش زادة تاكلو بعضكم... وقت يحل موسم توزيع المواقع والمناصب والمنافع... في الجملكية الجديدة؟