وين ماشية البلاد يا أستاذ؟تي جابوني انتم قبل... وين هزيتوها البلاد بمساندة الإنقلاب؟ عاد إلي هذا أصبح يسال فيك في السؤال هذا .. وانتي ما تعرفش الجواب كيفهم... خاطر الجواب مجهول…
البلاد داخلة في حيط... بفضل القائد الملهم العظيم... وبمساندة من هللو للإنقلاب على الدستور...و انقلاب عليهم أيضا في آخر التحليل.
عاد جوابي أصبح ما يلي:
ماكم انتخبتوه...وغفلجكم. عاد ماو اسمعو كلامو... ودورولو عريضة سحب ثقة... كيف إلي يحكي عليها في البني القاعدي متاعو... متاع هاك الشعب الذي يريد.
وماكم ساندتو انقلابو علي الدستورر... وانتم الي اندعيتو انو انقلب ضد النهضة... وقت هو ما قالهاش مطلقا... واستعمل عبارات هلامية ضد الفاسدين والخونة والميكروبات الخ من الصور الراقية ..وهو يقصد الجميع... وانتم من ضمن القايمة.
وزيد غلطتو الشعب صاحب السيادة يا بوقلب ... بالإدعاء انو اتقلب على النهضة... ولم ينقلب على جميع القوى الحية في المجتمع ... وخصوصا على دستور ديمقراطي مأسس على حقوق المواطنة وقيم الجمهورية إلي يضمن للشعب حقوقه المدنية والسياسية والاجتماعية والاقتصادية ...لفرض حكم فردي يستأصلها... وشوفو حكومة بودن فاش قاعدة تكمبن فيه... باستعمال جهاز الدولة المغتصب من المنقلب. ..وانتم ساعدتوه عليه.
عاد تفضلو وريونا عرض اكتافكم... آش تنجمو تعملو... موش قلتو وقت ينحرف تا توقفوه؟ فبحيث... هذا كان جوابي اليومي....وسيبقى ... للي عملو الفارينة للإنقلاب.. وعززوه... وعاونوه باش يرمي عروقو في أجهزة الدولة …
وللي سبونا وقت عارضناه.. وفرشنا أهدافه ومراميه منذ يوم 25 المشؤوم.... الذي يمثل تاريخ الثورة المضادة... يوم الإنقلاب على أول دستور ديمقراطي في تاريخ تونس....وفي الوطن العربي…
لأنه عقدا اجتماعيا معاصرا بين القوى الحية في المجتمع للتعايش فيما بينها على أساس قيم المواطنة وقيم الجمهورية ... ويضمن حقوق المواطنين... و صادقت عليه بالإجماع... وبحيث... وين ماشية البلاد؟
قولولي انتم وين هزيتوها.... ووقتاش باش تتحملو مسؤوليتكم باش تفسخو إلي تسببتو فبه... وخصوصا وقت تبدلو الموقف من المنقلب على الدستور... ما تهبطوش البيانات إلي تعملو فيها خاطيكم. خاطر السياسة أخلاق…
وبحيث.. وين ماشية البلاد؟ هي مسؤوليتكم قبل غيركم إلي كانو ضد الإنقلاب... باش تنقذو البلاد.. خاطر لخرين.. اتهناو عليهم.. قامو بالواجب... وربما أكثر... وسيواصلون... حتى لو تخلفتم كالعادة…