زعمة الرفاق اذا كان يتشجعو...وينساو الصداقة الحميمية الي عملوها بعد الثورة مع سفير بوتفليقة في تونس …قبلها ما كانش حاسبهم في الخريطة أصلا... زعمة لوكان ينساو قعداتهم معاه في السفارة كل 1 نوفمبر من كل عام... ذكرى ثورة 1962...وقعداتهم وحميميتهم معاه في غيرها…
زعمة لو كان يتشجعو...ويساندو معنويا جديا...ثورة خونا الشعب الجزائري الشقيق... الحضارية...من اجل الحرية والديمقراطية والسيادة الشعبية ...ضد استبداد وفساد بوتفليقة وزمرته... والتي سيكتب عنها الكثير في كتب التاريخ...ومن ساندها...ومن طفاها "لتنظيرات" جيواستراتيجية صبيانية وفولكلورية وانتهازية...تفتقر للبوصلة الديمقراطية والثورية..
زعمة لو كان يتشجعو...ويقومو بواجب المساندة الأخوي ...والعربي...والأممي.... زعمة...يربحو بيه ولا يخسرو...في الإنتخابات ؟
يطلعوش زادة يستناو في صنداج زرقوني...يكذب عليهم فيه بماذا الشعب يريد...ويحسبلهم قداش من فتات من سترابونتانات زايدة ولا ناقصة...يربحوها ولا يخسروها في الانتخابات المقبلة...باش يقررو ينطقو ويتحركو ميدانيا...ولا يواصلو يركشو؟
تربيت شخصيا في يسار تونسي وأممي ..كل ما تحصل تحركات شعبية في بلد عربي او غيره...قواه المنظمة تقوم بواجب المساندة الأممية ضد الاستبداد.. وتقوم بالمبادرات...وتصدر البيانات..وتنظم التحركات…
اليوم نشوف في تونس يسار قواه المنظمة…بوصلتها موش معدلة على الثوابت …وتنخرو الانتهازية…والحسابات..والوصولية…
والانكى ان الشعب الجزائري…شعب شقيق…حريته من حريتنا…ومصيره من مصيرنا …