شارك في حكومة الشاهد مع النهضة...وكانت عندو مسؤولية معاها في وضع البلاد اليوم... عامل فيها ما في بالوش....ودازز الأزمة كان في النهضة... وهو خاطيه... وطبعا زادة المنقلب خاطيه...
وهذا موش جديد.. شيئ طبيعي أصبح عنا في تونس... أحزاب تمارس الحكم... ومن بعد تتنصل من مسؤلياتها في ما اقترفته في حق البلاد...وتحكي وكأنها كانت في المعارضة. تلقاها تولدت حولة
لكن السيد هذا الشعب فاق بيه... بدليل أنو ترشح للرئاسة من بعد... وجاب صفر فاصل.
عاد توا السيد على موزاييك... بعد ما قلب الفيستة على النهضة إلي صوتتلو في المجلس بش يولي وزير.. وساند الإنقلاب... هاو قلب الفيستة في الجوهر على الإنقلاب جملة وتفصيلا... بعد ما عملو الفارينة طيلة أشهر. لكنو يتزلوص... ما يحبش يقول انو قلب الفيستة على المنقلب.
وما يحبش يستعرف انو ساند إنقلاب يأسس لحكم فردي مطلق... متاع من نوع من تحزب خان كيف ما قال هو يظهرلي فيه فهم يعد مدة طويلة.... ان المنقلب جدي وقت بعث الأحزاب... وهو منهم طبعا... يلعبو في كتب الجغرافيا. تلقاها مفهوميتو تمشي بالرالنتي.
فبحيث... شخصيا ما عندي ما نقول... سوى ان هذا النوع من السياسويين... هو وغيرو إلي يشبهولو...وطبعا على رأسهم المنقلب... هوما أسباب الخراب إلي تعيشو اليوم البلاد…