في حديث اليوم مع جماعة ساندو الإنقلاب...هاك إلي مشى في بالهم انو كان ضد الفساد والنهضة إلي يكرهونها...وإجراءات تسحيحية وكذا ...وكتب جغرافيا الخََََ... وبعد طلعتهم قرعة. عاد ما حبيتش ننزل على الوتر الحساس...هاظاكا إلي يقول مستحيل كان تونسي يغلط في تقديراته... وكل واحد فينا كلامو منزل مهما كان المكان والزمان... وديما ثمة تبريرات حتى لوكان تكون من الحيط.
عاد الجماعة يتساءلو وين ماشية البلاد... قدام ها الشعوذة السياسية... وانعدام أدنى مسؤولية سياسية من الساهرين على تخريبها في كل المجالات... وهذا كلامهم موش كلامي. فكرت بيني وبين نفسي ... وقلت لروحي خلينا نتطاولو شوية... حتى هي الشنڨة مع الجماعة خلاعة. وقلتلهم توا وقت فرانسا متاع ماكرون... تولي ما عادش تحمي فينا... وتهز يدها على تونس... وخصوصا على الشعب الذي لا يريد... لا جوع.... ولا إستبداد …
ووقت سلطة الأمر الواقع ما عادش تستقوي بالخارج ضد الشعب الذي لا يريد... بمثل حاميها ماكرون... هاظاكا إلي يعتبر مجرد اخذ موقف ضد الصه.يونية عنصرية ويحب يعمل فيها قانون مساندة للكيان...علاوة علي الاستقواء ببقية جوقة. المستبدين الفاسدين المطبعين... من شتلة محمد المنشار ومن شاكله مثل السيسي و متاع الإمارات.. الخ..
ووقت الشعب الذي لا يريد... إلي ما صوتش على دستور البني القاعدي... وعدده ثلاثة أرباع الشعب.. وباش يزيد يرتغع العدد.... بفضل سياسة التجويع.. ووقت توصل البلاد للإنفجار الثوري الجديد. راهي َ لكلها باش تلقى روحها تعوم في الناشح... خاطر ما عادش باش تتسمى ثورة الشباب كيف ما سماوها قبل صلفا... وإنما باش تكون حقيقة.... ثورة الجياع…
وستأتي على الأخضر واليابس... بمن فيهم المعارضين السياسيين للإنقلاب...ولي كل طرف منهم يكابر... وعامل فيها سردوك بوسوشة حمراء في زمانو... ومنو تخرج... َوموش مشكلتهم يلقاو حل عملي للإنقلاب ...وإنما فقط التعبير عن ذواتهم كقيادة على الجميع... وهوما بودورو على ماشية فيها الأمور ...وين باش تحشر البلاد في اسفل السافلين.... من طرف البني القاعدي.
ولي باش يقلي هاو شنوا إلي باش يصير وقتها...آنا نسألو شسمو العراف إلي قريت عندو. عاد خونا ماكرون المستقوين بيه المنقلبين على دستور الثورة الديمقراطي المواطني...هاظوكم جماعة البني القاعدي العميل....راهو حاميها حراميها في تونس... هو سليلة اليمين الفرنسي في تونس منذ استقلالها...وشادد اليوم صحيح في استقرار الإنقلاب في تونس... وهو من أحسن ممثليهم.. السيد أصله ممثل لرجال الأعمال في حكم فرنسا... وزاد عليهم بالخروج عن سياسة ديڨول وشيراك ...بمواقفه المساندة للصه. يونية.. وهذا جديد عند اليمين الفرنسي الحاكم …
عاد وقت نتذكر فازة انو التطبيع اعتداء على أمن الدولة...نتفلق بالضحك...موش على مولاها.. هو يدبر في راسو كيف كل الشعبويين ....وإنما على هؤلاء المتقومجين صلفا... إلي يعملولو في الحملات التفسيرية... يا والله أحوال قداش شلكوه النضال...تي حتى إلى ضد الصهيونية إلي عاملينو اصل تجاري ما سلمش منهم .
وطبعا... موش لازم نذكركم انتم إلي باش تقراو التدوينة هاذي...ولي خممت فيه وقت نحكي مع الجماعة .... بوزيرة الدفاع الفرنسية.. وقت قالت علنا في البرلمان الفرنسي... اثناء "الإنفجار الثوري"...ووقت الشهداء كانو يسقطو يوميا بالكرتوش الحي... بما معناه انها متأسفة كيفاش الإستقرار السياسي في تونس في خطر...لانو فرانسا "الحماية" قصرت في تمكين بن علي بما فيه الكفاية من المعدات العسكرية اللازمة لإرجاع الإستقرار السياسي في تونس... في أقرب وقت ممكن…
لكن بن علي فصع بيها.... وهرب قبل ما تنفذ جريمتها ... ولقات روحها وقتها تعوم في الناشح... الكوناس المجرمة هاكي.