عاد في فرانسا... الفرق في الدور الأول.. بين ميلنشون مرشح جبهة اليسار....تحت شعار الوحدة الشعبية... الي تحصل على 21%... ولوبان العنصرية... الي تعدات للدور الثاني قبلو ضد ماكرون.. طلع بزيادة %2..
ومرة اخري... كمشة مترشحين يندعيو انهم يساريين او خضر... همهم الوحيد انواتهم المتورمة... أو حوانيتهم الميكروسكوبية...أو خطبهم الشعبوية الثورجية... جابو قرابة 10%... ياخي طيحوه...لفائدة مرشحة يمين عنصرية..
وكانو يعرفو هذا ملول يا بوڨلب... خاطر عندهم شركات سبر آراء حرفية ...وتنشر نتائجها يوميا..
وَكانو ينجمو بالساهل يتفقو على الدعوة للتصويت ليه منذ الدور الأول... ويتفاوضو على برنامج حكم بيناتهم...ويخوضو المعركة الانتخاببة معا ضد ماكرون... ويحكمو بيه مع بعضهم في صورة الفَوز في الدور الثاني... مع تقديم تنازلات لبعضهم البعض... تبقى ثانوية... امام خطر اليمين العنصري... أو مواصلة ماكرون في الحكم بنفس البرنامح الاقتصادي والاجتماعي الذي صرحو جميعا في الحملة الانتخابية... انهم يعارضونه جوهريا... جميعا... لأنه ضد المصالح الاجتماعية والاقتصادية لشعبهم... ويتهاون ويتملص في الدفاع عن البيئة....ولأنه مرشح الشرائح الاقتصادية العليا في المجتمع كما يقولون جميعا...
وللي ما يعرفش ميلنشون... فهو معاد للعنصرية ضد العرب والمسلمين... ومع الحقوق المدنية والسياسية والإجتماعية والاقتصادية والبيئية... ومع حق الشعوب في تقرير مصيرها ضذ الاستعمار والصهيونية...
فبحيث… كان هذا موش خدمة موضوعية للمرشحة اليمنية العنصرية … مالا شنوا؟
انشالله في تونس نتعلمو ناخذو العبرة من كل هذه المصائب …إلي حتي في تونس شفنا ممارسات انتهازية تشبهلها..