قالك اليوم تونس تقول للإمارات المتصهينة.. ان تونس تدين الإعتداء من طرف الحوثيين.. على مواقع حيوية فيها.
ياخي موش الإمارات مقترفة لجرائم حرب ضد المدنيين هي والسعودية متاع هاظاكا المنشار... في اليمن...واستغلت الحرب الأهلية اليمنية للتوسع الاستعماري باحتلال جزر يمنية لاستغلالها للمشاركة مع الماريكان للسيطرة على باب المندب... وتسعي لتأبيد ذلك بإعادة تقسيم اليمن بين جنوب وشمال... بالتحالف مع قبائل من جنوب اليمن يطالبون بالتقسيم؟
وينو موقف تونس من هذا؟
موش يلزم نطالبو بموقف أخلاقي؟ .. وهو لا يبتعد عن تقاليد السياسة الخارجية التونسية... وذلك بضرورة إيقاف حرب مدمرة ضد الشعب اليمني بكل أطيافه... وخلفت مئات الآلاف من الشهداء المدنيين... باقتراف جرائم جسيمة.. من جرائم حرب وجرائم ضد الإنسانية ...الخ...
ياخي باهي تتبلع بلادنا ضمن محور عربي متصهين... أملا في فتات من قرَوض...ولن تأتي في كل الأحوال. خاطر هذا راهو يبطى برشة ... لأن الحكاية هاذي من أنظار صندوق النقد دون سواه... هو إلي يقول للبنوك العالمية والدول... تعطيو قروض ولا ما تعطيوش... خاطر يلزم ترجعلهم... وهو الي يعرف ترجعلهم ولاّ لا... وهوما ما عندهم ثقة كان فيه.. ياخي ثمة لعب مع الفلوس؟
وزيد لكلنا نعرفو انو ما ثماش مع الفلوس أخوة عرببة...وكذا... وهات من هاك اللاوي.
فبحيث... وقت اتطيح السياسة الخارجية في اللاأخلاقية... عند الزغزغ في السياسة ...ولي ما يفقهوش شكوني تونس... تولي تونس تتورى بالأصبع عند الشعوب العربية... والشعوب التواقة الحرية..