بمناسبة كل موجة ايقافات خارج احترام شروط المحاكمة العادلة... ديما البعض ممن يندعون أنهم يؤمنون بالمحاكمة العادلة... وضرورة توفر شروطها الدنيا للمتهم...مهما كانت التهمة الموجهة ليه....يعملولك تفريكة على الحقوقيين..إلي ديما يذكرو مهما كانت الضحية بواجب توفر تلك الشروط للجميع....وطبعا أيضا للخصوم السياسيين لهؤلاء...وموش كان ليهم فقط...ههه.
يحسبو الحقوقيين هاك البهيم القصير إلي على ملك السيد الوالد....إلي يركبو عليه وقت يتقمعو هوما فقط... وزيد في بالهم يعطيو في الدروس..هههه .وانتي تجي تحل الصرة...تلقى السبب الحقيقي وغير المعلن من طرفهم ولي حاشمين بيه...ههههههه....أنهم في الجوهر ما يؤمنوش بواجب توفر شروط المحاكمة العادلة لخصومهم السياسيين واحترام قرينة البراءة في حقهم زادة..ككل المواطنين.هههه …
والدليل؟...أنهم ما يطالبوش بيها ليهم كيف الحقوقيين....وكيفما يطالبون بيها لأنفسهم وقت يكونو بدورهم محل تهمة....هههه …
عاد تلقاهم "اينظرو" من الحيط....وقت كل الحكاية بسيطة..وتجي حتى متاع درس تربية مدنية لتلامذة الإبتدائي هههه...فيسيسوها بتنظير هاش آس... وخرمولوجي لا علاقة له بالميضوع... وتلقاهم يحاسبو في المتهمين وقتها...على مواقفهم وأراءهم وخلافاتهم معاهم...وحتى على الأفعال المنسوبة ليهم وكأنهم هوما القضاء...هههه … تقولش عليهم يلوجو في تبريرات لاعتداء الحاكم المستبد على الحقوق...وكأنهم يقولولو زيدهم مازالو يتنفسو...هههه هههه …
وهذا يذكرك أيضا بالمثل إلي يقول... وقت اتطيح البقرة تكثر سكاكنها…
وثمة حتى إلي يقلك بحمق.. أن الحقوقيين يساندو مواقف وأفكار وممارسات المتهم وقت يطالبولو باحترام شروط المحاكمة العادلة وقرينة البراءة...دفاعا منهم عن دولة المواطنة والحقوق المضمونة لجميع المواطنين والقيم الديمقراطية إلي ما يؤمنش هو بيها... وموش على أفكار ومواقف وممارسات المتهم المنتهكة حقوقه...
يعني الشنتي من هذا النوع ..ما فاهم والو في الميضوع..هههه… فبحيث...لتوا موش شالقين يا أنتم...أن كلامكم في الميضوع...ديسكوات مكسرة...وفي النافخات زمرا؟....هههه
أحمق سعيد.. هههه
راهو وقت مواطن ما يكونش متلبس بجريمة...وثمة عليه شبهة أنو اقترف جريمة.. القانون يقول أنك تستدعاه بالطرق القانونية...وفي الاستدعاء تكون ثمة التهمة المنسوبة ليه...ويحضر مع محاميه... وموش تسقط عليه عقاب الليل...بدون استدعاء مسبق...وتروع عايلتو....وكان لزم تعتدي عليه بالعنف...وبدون إعلامه بالتهمة إلي باش تبحثو فيها...وزيد تفتشلو دارو سافيها على عافيها...قال شنوا ثمة إذن قضائي...وبرا شوف الإذن موجود ولآ موش موجود....وحتى إذا كان موجود يكون في الوضعية هاذي غير قانوني وتجاوز سلطة...كيف ما كان الأمر وقت استبداد بن علي…
عاد إذا بحمق...تفرح يامهف بهذا النوع من الإيقافات بهذه الطريقة...خاطر الموقوف جايك على عينك العورة... وانتي ما تعرفش شنية التهمة أصلا... وحتى لوكان عرفتها من بعد، ما تعرفش هل هي جدية او لتصفية حسابات سياسية متاع حاكم مستبد موظف القضاء والاجهزة الأمنية في الغرض…
وقتها نقلك يا مهف كانك ما تعرفش....أن وقت بن علي هذا كان قاعدة تنطبق على الجميع....وحتى حد ما كان فوق راسو ريشة تمنعو من هكذا انتهاكات...هههه… واليوم هاو سيديجا الأمور ولات كيف كيف....موش قاعد تشوف في تنوع الأطراف السياسية والاجتماعية والنقابية والحقوقية والإعلامية المستهدفة... ولي قاعدة تتسلط عليها الانتهاكات؟
ولآ ما تشوفش ريي يشفيك؟ ههه ههه
فبحيث...هنيئا لك..وقت يجي دورك ويسقطو عليك عقاب الليل...أيها الأحمق السعيد..هههه… وقتها متأكد....أنك باش تولي تعيط وتصيح وتقول.... وينهم الحقوقيين...أيها الشجاع من وراء التليفون.. ههههه… وتنجم ما تلقى حد ياقف معاك...خاطر يمكن يكونو سيديجا سبقوك..