عاد وقت قاللهم نهار 25 هي إجراءات استثنائية... وعنعنوها عليه.... قلنا بالكشي ما يقراوش.. وموش مطلعين على مشروعه إلي أعلن عليه قبل الإنتخابات... والجهل ديما مصيبة... لكن آش نعملو معاهم... توا يدمغهم الواقع بالإجراءات الموالية إلي كانت معروفة في مشروعه..
وبالطبيعة ها الإجراءات تواصلت بقوة الأمر الواقع في انتهاك مفضوح للدستور... وبعد تجميد المجلس وحل الحكومة خلافا لمنطوق الفصل 80 إلي كلي كلي اعتمد عليه... شمع هيئة مكافحة الفساد..
وبعد عمل الأمر نومرو 117 متاع الحكم الفردي واغتصب السلطة التشريعية جملة وتفصيلا.. وبعد عين كلي كلي على أساس سلطتو التشريعية المغتصبك حكومة امر واقع... وبعد حل المجلس الأعلى للقضاء المنتخب والمستقل.. وعين مجلس موظف..لتصفية خصومه المعارضين للإنقلاب..
وبعد حل المجلس المجمد بالقوة العامة منذ 25، بعد ما قال حلانو ممنوع بالدستور... وهو كان جمدو في 25 وما حلوش باش ما يكونش مطالب بالدعوة لانتخابات تشريعية سابقة لأوانها... خاطر المجلس النيابي الممثل للسلطة الأصلية في الديمقراطية التمثيلية هو ضد وجوده أصلا من ضمن مؤسسات الدولة... هو الزعيم الملهم يتعامل مع الشعب طول.
وبعد حل هيئة الانتخابات المستقلة لتعويضها بهيئة معينة ومنصبة من سيادتو.. تعملو انتخابات مزيفة على قد صبعو.. وتوا يحضر بالإجراءات الإستثنائية.. لدستور جديد جملة وتفصيلا.. ما ينطبق كان عليه... كي الكستيم.
فبحيث.... نحب نسألهم هاذم إلي ما زالو يخرفو بالإجراءات الإستثنائية... تعرفو انقلاب في العالم ما عملش هكة؟ ولي باش يقلي باهي هو انقلاب... لكنو انقلاب ضد النهضة باش نبلوكيه... خاطر الكذب بعين صحيحة... قلة حياء....
خاطرو انقلاب ضد المكتسبات الديمقراطية للثورة.... وهذا هو مشروع المنقلب على الدستور للي يقرأ بنفسو وموش يعنعن على الغير.... وخاطر هذا يقول فيه المنقلب... ويجسم فيه بقراراتو صباحا مساء ويوم الأحد.... وحتى عقاب الليل.
ياخي يستناو في المنقلب حتى هو يقول. إيه نعم عملت انقلاب على الدستور وكان عجبكم... باش يتجرأو وينطقوها؟