هو حكم فردي... فعبارة ديمقراطية حتى للتمويه... ما يستعملهاش. وهو حكم فردي....وزادة مطلق...فحتى عبارة جمهورية... خاطر فيها تفريق بين السلطات... ما يستعملهاش…
يقول دولة...تي حتي جنكيز خان إلي دمر كل ما عرضو في طريقو من مؤسسات وحضارات ... كانت عندو دولتو. وهو حكم فردي مطلق....وزادة استبدادي... بعد ما نصب روحو على جهاز الأمن خلافا للدستور .. يحب ينصب روحو على القضاء.. وقال بالوضوح التام نهار الإنقلاب في 25 انو يحب يتراس النيابة.. يعني يحب مفتاح الحبس.
وهذا آش قاعد يعمل فيه منذ الإنقلاب على الدستور في 25.. بالإقامات الجبرية والإختطافات، والإختفاء القسري...وقت القضاء يرفض تعليماتو للإعتداء على الحريات...
وهو حكم فردي مطلق استبدادي...وزادة رجعي... ڨالها معمرنا... قاللكم مصمصو من المساواة التامة بين الجنسين المضمونة بالفصل 21 من الدستور المنقلب عليه... لمخالفته للشريعة... وڨالها بالكلام الصريح ...وهو الفصل إلي ما اعترضوش عليه نواب النهضة لما صوتو على الدستور... ومعمرنا رافضو... يا بوڨلب.
وكذلك بالتهكم على الفصل السادس من الدستور حول حرية المعتقد والضمير.. وحرية ممارسة الشعائر الدينية.. المفعل للشرعة الدولية لحقوق الإنسان في الدستور... وكذلك بالدفاع عن مفهوم "العدل" الهولامي القروسطي الرجعي الذي يحدده الأمير ... عوض مفهوم المواطنة الحديث... ودولة القانون والمؤسسات الديمقراطية.... وحقوق الإنسان .. والمحاكمة العادلة بالمواصفات العصرية..
والألسنة الخبيثة تقول كل ذلك...بتأثير من حزب التحرير... والله اعلم.. وهو حكم فردي مطلق استبدادي رجعي....وزادة شعبوي...يدعي انه يحارب الفساد ولم يحاربه منذ الإنقلاب... ويدعى ان الشعب يريد تغيير النظام السياسي وهذه كذبة كبيرة... لان الشعب لا يريد إلا تحسين وضعه الإجتماعي ..
ويدعى انه يقف إلي جانب الشعب الذي يريد...ويدعى... ويدعى... وهذا كله هراء ومغالطات واعتداء على الذوق العام ... بدليل ميزانيته التي لم تتجرأ الحكومات السابقة بما كل ما اعتراها من انتهاكات للحقوق الاجتماعية والإقتصادية... على ان تفعل ما ستفعله ميزانيته من اعتداءات مشينة، وغير أخلاقية، على قوت الشعب اليومي.
وهو حكم فردي مطلق استبدادي رجعي شعبوي...وزادة شمولي.... يدمر مؤسسات دولة الإستقلال والمؤسسات والهيئات الديمقراطية المكتسبة بفضل الثورة... ويفرض من عليائه على المجتمع دستور شمولي... كيف ماكان يعمل الأمير في عصور الانحطاط باستعمال وسائل الدولة من أمن وجيش وإدارة ... وبدون التشاور مع القوى الحية في المجتمع وضد إرادتها. .. وتحت غطاء استسارة كاذبة ومدلسة لحقيقة ما يريده المواطنون... وللإرادة الشعبية الحقيقية...واتضحك في حد ذاتها...وعمرها ما صارت في تاريخ الإنسانية...يعني لعب في لعب بمصير شعب يا بوڨلب…
وهو حكم فردي مطلق استبدادي رجعي شعبوي شمولي... وزادة عميل لمحور عربي متصهين.. ويطبق تعليمات صندوق النقد... بالتخفي كالسارق عن القوى السياسية والاجتماعية التي يرفض التحاور معها حتى لا يكشف أوراقه لها فتعارضه في فرضها عنوة على الشعب... الذي لا يريدها.
وطبعا لا ننسى ان الاستعمار عنده لم يكن استعمار... بل حماية... زعمة من رواحنا؟.. أو تملقا للرئيس الفرنسي؟
فبحيث...كي نجيو نحسبو توا... هو حكم فردي مطلق استبدادي رجعي شعبوي شمولي عميل... زعمة نسيت حاجة؟ وبحيث.. هاذي ثورة مضادة... شعواء... ضد استحقاقات ثورة الحرية والكرامة... برمتها...وفي كل المجالات... ما خلى شيئ معمرنا... عيون لا تنام.
وبحيث... ما تقولوليش زادة موش مقتنعين وتحبو دليل آخر؟
مالا هاو منع الإحتفال بالثورة يوم 14...بتعلة محاربة الكوفيد...وهي نفس التعلة إلي ركب عليها لإقتراف الإنقلاب على الدستور يوم 25 جويلية. تقولش عليه حاقد عليها الثورة ... تلقاه خاطر لا حضرلها مع إلي واجهو الإستبداد. .. ولا شارك فيها... وعلى هذاكا مسحو من التاريخ يوم 14 جانفي 2011 العظيم... وقت هرب عرفو بن علي... وتحرر الشعب الذي يريد.
وبحيث... بربي يا جماعة الفارينة.... إلي ما زلتو تبررو في كل هذه الفضاعات...ومهما كانت المسوغات الي تقدمو فيها... راكم بالرسمي.. عملتو الريحة...وبرشة برشة ريحة..يا بوڨلب. وبحيث... تي ڨولها يا معمرنا ڨولها... شوية سجاعة بربي.