زعمة الخبر صحيح؟

قالك ثمة شاب مترشح للمجلس الصوري المقبل...صريح جدا...جدا...على خلاف المترشحين المتسلقين لخرين... إلي واضح انهم خلال الحملة باش يكذبو برشة على الناخبين.. وبش يوعدوهم بالجنة على وجه الأرض....عن طريق البني القاعدي.

الشباب هذا ما حبش يكذب عليهم.. وقبل بداية الحملة أعلن عن برنامجو...إلي يتحوصل في جملة وحدة.. قاللهم بما مفاده.. صحيح ما نيش باش نقدر نحسلكم وضعيتكم...آما على الأقل حسنولي وضعيتي.

شخصيا...لوكان مانيش مقاطع الانتخابات المهزلة هاذي لمجلس صوري لن يكون سلطة أصلية ولن يمثل السيادة الشعبية ... ولوكان كنت نصوت في دائرتو....ربما راني قلت علاش لا ما نصوتلوش.

على الأقل السيد هذا.... على خلاف المترشحين الكذابين المتسلقين لخرين... معترف ضمنيا ان مجلس البني القاعدي هذا... باش يكون مجلس صوري...كيف اي مجلس في نظام حكم فردي... وانو مجلس في خدمة الشعب الذي يريد.. هذاكا يبطى شوية.

وانشالله هيئة البوصاع ومسحان البلار القيسونية... ما اتطيحلوش ترشحو نكاية فيه... على الأقل يكون ثمة في المجلس الصوري.. نايب موش كذاب ونظيف.

طبعا كان الخبر هذا صحيح..وموش فوتوشوب للتنير.. على الوصوليين متاع الشعب الذي يريد.

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات