الديمقراطية… يلزمها مواطنين ديمقراطيين…ومجتمع مدني ديمقراطي.. وأحزاب ديمقراطية… وتعليم وإعلام ينشر القيم الديمقراطية…ومثقفين ونخبة تنشر القيم الديمقراطية… موش متاع بلاط ومناشدة ومصالح… الخ. ويلزم هاذم يكونو أغلبية في المجتمع…
ميكانش… نقعدو رعية للقائد الملهم الفذ…الحاكم الفردي بأحكامه المقررة في غرفه المظلمة… مناشدين وفارينيين… ويكون بالضرورة نظام يتحكم في اقتصاده فعليا بارونات الفساد.. فهم اول من يقدم الولاء والتأييد للسلطة القائمة… فهؤلاء لا يهمهم من يكون في السلطة وشكل السلطة… ولا يهمهم سوى كيفية المحافظة على مصالحهم… والدنيا عندهم مع الواقف… لا غير… وديما…
فهم الذين يمولون أحزاب السلطة (كما فعلو منذ الثورة)… وهم الذين ينفذون السياسة الإقتصادية الشعبوية للحاكم الفردي خارج نطاق ميزانية الدولة… (تتذكرو تمويل المشاريع الرئاسية لبن علي؟. وال 26/26 وال 21/21 الي ابتزو فيها حتى الفقراء إضافة للتمويل من بارونات الفساد؟)…
وطبعا هؤلاء البارونات مستعدين أيضا لتمويل الميليشيات الرعية الشعبوية… في تنقلاتها ومصاريفها لتهتف يحيا الزعيم.. فبحيث… ما زلنا بعاد… وربي يقدر الخير..