قال عثمان الجرندي وزير الخارجية في تدخله أمام الجلسة العامة للأمم المتحدة: "الديمقراطية في تونس خيار لا رجعة فيه ولا تراجع عنه" في تحصل... تنوفيق وكذب موجه للغرب... إلي شادد صرمية ميزانية تونس... وخلاص الشهريات…
ياخي موش قيسون للحشد الشعبي والشعب يريد والحاكم الفردي اليوم...ومنظر الانتخابات بالقرعة كيف في العهد البرونزي اليوناني... ما يستعملش عبارة الديمقراطية في قاموسو الشعبوي؟ وسمعتوه بربي قال الجملة هاذي من قبل؟ هو ضدها اصلا وشكلا... ويقول فيه ديما ضمنيا في "تنظيراتو"…
فبحيث....
يا إما الوزير يكذب ومكلف بالكذب من عرفو... ووقتها علاش موش قيسون تشجع وهو إلي عمل الخطاب... كيف ما عملو رؤساء الدول لخرين....وقال الجملة هاذي لأول مرة في حياتو.
وعلاش يتخبي من وراء وزير... كيف في هاك التصاور الفوتوشوب إلي اتدور على الفايسبوك ؟ يا إما الوزير عرفو مافي بالوش... وتلز المسكين بما انو يفهم في الديبلوماسية .. بش يكذب من راسو على الموقف الحقيقي لعرفَو قدام المانحين ...وبهزها هو...
وتنجمو وقتها تلقاووه مطرود من كرسيه من غير ما يقلو ...كيف ما عمل الإخشيدي قبل مع مسؤول تونسي سابق تصرف من راسو في الأمم المتحدة .
يا والله أحوال ها المنقلب على الدستور ...شعبوية لا ساس لا راس. مسكينة تونس...شلكتها الشعبوية... ... وهنيئا لكم... أيها الإنقلابيون بهذا الرئيس الملهم.. الذي يلهمكم بشعبويته .