السفير الفرنسي اليوم مكلف بمهمة... من ماكرون.. السيد يحوس في الإعلام...ويعطي في التعليمات..خصوصا المتعلقة بضرورة الإنصياع لتعليمات صندوق النقد... وزيد يقلك انو يتعامل مع القيسون المنقلب على دستور الثورة.. كسلطة شرعية وموش كسلطة امر واقع... ومساند ضمنيا دولة البني القاعدي مع المطالبة ببعض التغييرات لتجميل صورتها في العالم.. والقيسون خذى بخاطرو.
والدليل انو.. بعد ما منع الأحزاب الكرتونية المساندة للإنقلاب من المشاركة في انتخابات المجلس التشريعي الصوري في مرسومه الانتخابي 55... وعبر على ذلك بكل وضوح الناطق الرسمي باسم الهيئة المنصبة لتزوير الإنتخابات.. تراجع خلافا لمنطوق المرسوم الواضح والبين... واسمح ليهم باش يقدمو مرشحين. وهوما عاملين فيها انهم تحصلو على مكسب بفضل تناغمهم مع القيسون.
يا والله فارينة وقت الحكاية استقواء بالخارج. عاد السفير اليوم... يعمل في زيارات للهيئات الدستورية والمجتمع المدني... لحملهم على الإنصياع لوجهة النظر هاذي..للإنصياع لتعليمات صندوق النفَقد... ميكانش الفرانسيس ما ياقفوش مع تونس المفلسة... من جرة القيسون متاع امك الصنافة. .. واصبحت غير قادرة حتى على استيراد المواد الأولية.. خلافا لعشرية "الفساد"…
اتبعو فيا ولاّ ما زلتو مبرنشين عليها.. كيف أهل الكهف؟ عاد السيد السفير... مشكلتو الوحيدة اليوم...استقرار الوضع السياسي في تونس.. باش ينظم الأمور لغدوة مع سلطة الأمر الواقع.. المنقلب على دستور ديمقراطي…
ياخي ما تتذكروش وزيرة الدفاع الفغانسوية.. كيفاش قالت في برلمانهم قبل الثورة بأيامات... أنها متأسفة كيفاش ما مكنتش بن علي من توفير اللوازم القمعية العسكرية.. إلي تمكن من الحفاظ على الاستقرار السياسي في تونس؟ وماكرون راهو من نفس السكولة السياسية .
ووقت احنا الحقوقيين.. كنا نتوجهو لفعاليات المجتمع المدني عندهم... باش يضغطو على حكامهم... باش يوقفو المساندة لبن علي.. دفاعا عن حقوق المواطنين التوانسة في الحرية والكرامة الإنسانية.. كانو يتهمونا أزلام بن علي... بالإستقواء بالخارج طبعا على الإستبداد والفساد.. إلي ثار عليه الشعب التونسي.. يوم 14..
وهذا بالضبط كيف ما يتهمونا اليوم.. أزلام الإستبداد القيسوني الجديد. والفساد متاع الشركات الأهلية والصلح الجزائي.. والفساد الكبير باستعمال موارد الدولة لتنفيذ مشروع البني القاعدي.. بالإستقواء للأجنبي.. وقت نتعاملو مع نفس فعاليات المحتنع المدني الغربي. وما زلنا باش نتعاملو معاهم... نكاية فيهم.
عاد السيد السفير يخدم اليوم بكل جهد في خدمتو هاذي ... وهذا وقت الطبوبي يقول ويعاود.. أن "البرنامج الذي قدمته الحكومة لصندوق النقد لا يلزمنا في شيئ".. يعني الإتفاق إلي بش تعملو حكومة القيسون الملهم العظيم متاع امك الصنافة... لمزيد تجويع الشعب الذي يريد..اتنجم تنفخو وتشرب ماه.
وهيكا موجودة الفازة... بالخط الأبيض الكبير في مربع احمر.. في صدارة الصفحة الأولى من جريدة الشعب الأخيرة... يعني لاحلت لا ربطت مع حكومة القيسون. الي تناور على خبزة. الشعب الذي يريد . وغدوة رانا ما نتحملوش ثورة الجياع على القيسون...وشوفو اموركم معاه.. ورانا باش نكونو معاهم…
عاد قلت وينهم جماعة السيادة الوهمية.. إلي كسرولنا البطاطا بفازة الفارينة للقيسون.. متاع الاستقواء بالخارج.. وكذا؟
شبيهم مبلعين جلغهم اليوم.. وماعندهمش موقف من نشاط سفير فغانسا؟ ياخي خاطر فغانسا متاع ماكرون.. حطت القيسون متاع الحماية الفغانسوية وكذا في جيبها.. في الصراع الجيواستراتيجي اليوم .. سكتو عن السيادة؟ الجماعة ظهرو كيف الماريكان في حكاية حقوق الإنسان.. عندهم ازدواجية معايير في خصوص السيادة... وين يلقاو مصلحتهم.
لكن الشيئ الجديد.. انو حتى على مستوى الخطاب.. وبعد الحرب على أوكرانيا والصراع الجديد على مناطق النفوذ .. ولانهم موش يتابعو في الماريكان ويعنعنو في الشعارات ... نعلمهم انو الماريكان راهم سيبو موضوع تونس لماكرون.. وباش يصطفو عليه... ولو تحت حس مس. عاد نتصور غدوة في جماعة السيادة الوهمية هاذم.. كيفاش باش يقلبو الفيستة مع الماريكان...بتطفية الضوء عليهم زادة... بما أنهم أصبحو يساندو في القيسون.
وهذا بعد ما نددو بيهم وقت انتقدو انقلاب القيسون على دستور الثورة وعلى الديمقراطية في تونس ...وباش يطفيو الضوء عليهم.. كيف مطفيينو اليوم على ماكرون. يا والله منافقين متسلقين.