بربي وقت الملهم العظيم.. يفرض باس سانيتار بداية من غدوة... وهي راهي فازة مستوردة من أوروبا كان ما في بالكمش.. وموش من منظمة الصحة العالمية...وهاذي جماعة السيادة الشعبوية القيسونية الشعارتية ما يعرفوهاش طبعا.
بربي وقت الملهم العظيم... يفرض الباس هذا في الفضاءات العامة المغلقة.. على الشعب الذي بريد... بدون أن تقوم حكومة الأمر الواقع بحملات تفسيرية متواصلة في كيفية الحصول عليه وشروطه.. وبدون ان تكون منظومة ايفاكس قادرة على مجابهة الطلبات في استخراج الباس... خصوصا في الأيام الأخيرة قبل تنفيذ القرار كما يحدث اليوم...علاوة ان ثلث الشعب غير مرتبط بالإنترنت.... وعلاوة على إثقال كاهل المؤسسات الصغرى شبه المفلسة بسبب الكورونا وذات الفضاءات المغلقة على انتدابات إضافية للقيام بدور البوليس في مداخلها... إضافة إلى الخسائر الكبرى الذي سيتحملها اقتصاد سيديجا منهار بسبب كل التضييقات الأخرى التي ستحصل في مختلف المجالات.. وهي لا يمكن أن تحصى وتعد....
فبحيث... الجماعة الإنقلابيين هاذم.. لا عندهم رؤى للشعب الذي يريد.. ولا يعرفو يفسكيو بالمليح على العكري...واليوم هوما الخطر الداهم على البلاد . وبحيث... راهو هظاكا هو الحكم الفردي.
يقرر وحدو حتى لوكان يكون جاهل في الميضوع.. ويعامل الشعب كرعايا وموش كمواطنين.. الكلمة الي يجهلها الملهم وما يستعملهاش أصلا في خطبه... وإذا كان ما يحترموش قراراتو يهبط عليهم "بالقانون" إلى قالو هو... وموش قانون منبثق عن برلمان منتخب.. وهو خدمتو تنفيذو.
وبحيث... ماكم تعرفو تونس كيفي؟... وموش بش انفصل في لومور. توا موش قال انو عمل انقلاب لمحاربة الفساد؟ ياخي اتنجمو تقولولي انو هذا القرار موش بش يزيدها فساد على فساد؟
ملخر؟... يا آنا... يا هو عايش في المريخ... وموش الإثنين.