احنا ننشرو التقرير ونقولو للنهضة ايا شفتي كيفاش ...هام قالولك زايد تعملي معاهم في تسويات

Photo

ايا سيدي تبعوني في الحكاية و بعد قولولي نعض اصابعي من شدة غبائهم و الا لا؟.. الجماعة الي ديما متحالفين موضوعيا وحطب شعول للقوى القديمة العميقة الي رافضة الاصلاح و يعاونو فيهم بالتعطيل و الاستقطاب السياسي باش ما ما تستقرش البلاد و ما يصيرش اصلاح ...باهي.. عرفتوهم؟

.. اوكي ...اشبيهم؟ ...هاذوما يهبطو في مقطع من تقرير مركز كارنيغي ...اش يقول المقطع ...يقول ما معناه ان النهضة باعتبارها الحزب الرئيسي ما حبتش تعمل الاصلاح وتعاملت براغماتيا مع القوى العميقة اي بمعنى ما خافت وتعمل معاهم في التسويات نظرا لغياب الاستقرار في البلاد ويلزمها تصلح وما تخافش .... ايه هذا انا موافق عليه وديما نقول فيه للنهضة وغير النهضة …

باهي .... الجماعة المذكورون اعلاه لواه ينشرو فيه؟ يعني أنتم حبيتو النهضة والترويكا وتوة الياس يغير؟ يواجه؟ ...ايه امالا اشبيكم مع الاخرين موضوعيا؟ هاكم مع عبير ...وفي 2012 و2013 مع القديمة والعميقة؟ .... راهو كارنيغي التقرير متاعو عبارة على ان القوة الي هو بعبر عليها عطات توة carte blanche باش تبدأ النهضة وغيرها يضربو ويصلحو ...فهمتو والا لا؟ ....

لا هم ما فهموش ...لقو كلام يعاود في كلمة نهضة نهضة نهضة يحسابوه نقد نشروه..... المفروض احنا ننشرو التقرير ونقولو للنهضة ايا شفتي كيفاش ...هام قالولك زايد تعملي معاهم في تسويات ...يعني احنا ننشرو التقرير مش أنتم ...التقرير ضدكم يا …

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات