توة وزير الصحة عمل فازة التلقيح الجماهيري في السر ؟ ماهو اعلن عليها في ندوة صحفية ... ايه علاش المشيشي ما كلموش عالبلاصة و قال ليه اش تعمل يا زميل ؟ باهي ما يكلموش هو ...علاش ما كلموش الرئيس ؟ التلاقيح من مخزن شكون كان باش يهزهم ؟
نتجاوزو …
السيد الرئيس ما سمعش البارح انو مراكز التلقيح باش تسكر بعد بلاغ وزارة الصحة اثر اقالة وزيرها ؟ ...فرضا ما في بالوش بالبلاغ علاش حتى حد من فريقو ما اعلمو ؟ علاش يمشي و يلقاه مسكر ؟
و مراسل العربية شكون قالو الرئيس ماشي لمخزن مسكر ؟ قصدي لمركز مسكر ...و كيفاش حضر السؤال و الرئيس جوابو حاضر ؟ ...و في بالو بيه متاع العربية ؟ هكاك اي قناة اجنبية او محلية تسأل رئيس جمهورية و يولي تصريح حصري ليها ؟ …
نتجاوزو …
الجماهير الشعبية اش تعمل نهار ثاني عيد في شارع بورقيبة ؟ و شبيها القهاوي محلولة قبل كل شيء ؟ و ديراكت قالولو معملين عليك ؟ و اش معناها قاللهم : الحل جماعي ؟ …بين شكون و شكون ؟
نتجاوزو …
المشيشي جاء للوزارة من وتيل صدر بعل و عمل الطراقية هاذيكا للوزير و من غدوة اقاله …باهي بعد الاقالة وين مشى ؟ باهي توة التلاقيح عند شكون ؟
• الرئيس عارف المسؤول اما ما يحبش يحطو في الحبس .
• رئيس الحكومة عارف المسؤول اما ما يحبش يحطو في الحبس.
• رئيس المجلس و النواب عارفين اما ما يحبوش يقولو عليه .
• المعارضة تعرف المسؤول اما ما تنجمش تثور عليه .
• الشعب يعرف المسؤول اما يحبش يثور عليه.
• المسؤول عارف روحو و لكن هو نفسو عارف الي هو مش المسؤول .
• تونس هي البلد الوحيد الي الناس الكل كل واحد فيهم يعرف مسؤول اما يقلك خلي هكاك حتى يجي الحرس توة يعرف شكون مسؤول .
حاسهم شايخين علينا برجولية …