بربي ذراري اصدقاءنا الديمقراطيين سابقا الانقلابيين حاليا الي كنتو مسيبينهم علينا قبل 25 قوللهم يبدلو سردية السبان… كي كنا نقولولكم راكم تياسة في تحالف الشعبوية و الفاشية و الوظيفيين الجدد و راكم باش تفيقو بارواحكم في حجر الخلايا النائمة للمضادة ...تسيبو علينا مفرخكم يضيحكو علينا ...مانيش نهضاوي و لكن و مثقفين " عذويين " و سيدكم الشيخ و جري عالمناصب و غيرها من الريق البارد متاع المفرخ الي انتم متخبيين وراهم …
كي كنا نقولولكم ضيعتو مبادرتنا و بعد طرشقتو حكومة الفخفاخ و هيا نعزلو النهضة و نحطو وزراءها في الزاوية و نسحبو من شيخها رئاسة البرلمان و بديتو تقشقشو. في ملفات فاضية هاهو شكارة فلوس ماشية لقناة الزيتونة و حنبعل و هاهي كرهبة انور معروف تفشت عجلتها و هاهو باش ننحيو بونوات الفطور متاع الموظفين و الق ..ب الفارغ ...و كنا نقولولكم ارجعو لعقولكم. راكم. تدزو. لصالح طلبة التجمع باش يتلهوثو من جديد على سيد الفرجاني و البحيري و راهم اصحابنا الباهيين في النهضة قالولنا قولو للاولاد يهديو الجو و محمد يركح شوية الضرب عالنهضة باش جناح التسوية ما يتقواش علينا و يرجعنا للقلب …
كنت تقولولنا هاكم تكيل بمكيالين و يلزم تقوم الصباح اندب نهضة بيها نهضة عليها باش نصدقوك ....و مسيبين مفرخكم علينا يزايدو و البدون سبرة متاعكم الطالعين بالصدفة يقولولي مكش صديقنا ...شوف عاد هاك الربوب متاع السياسة الي خسرت صداقتهم ....و انتم من تالي تحضرو للراجل في قراءة مزيفة للدستور ...
كنا نقولولكم سايسو عالمسار .. اضرب النهضة من داخل السقف الديمقراطي لا ترد فاس على هراوة اما تميز عالزغراطة. راك هكا. تولي في حجر ولد بن زايد ....و انتم تسيبو في فروخ البوماضة : يا محلل استراتيجي يا متاع قطر و تركيا. ...و تسيبو في صفحات بهامة ما بعد اربعطاش بنكت باردة. من ذري في سن ولدي ما يعرفوش يفكو الحرف يطيح قدرو حتى هو. باش يرد عليهم. لانو لاهي بقرايتو و مطالعاتو و مقالاتو في الشان التونسي و الدولي مثل اي شبيبة ثورية ديمقراطية جدية محترمين يحبو يوليو. نخبة المستقبل مش مفرخكم المدوبلين الي مسيبينهم عليا ....
هاو توة حمة و عصام و نجيب و بن عاشور و عياشي و و و. في نفس الموقع الي انا فيه و انتم.في الانقلاب يا .... اللعنة على كل لحظة فكرت فيها ان تونس تنجح بتسويات انتم طرف فيها ....
استخلاصات فكرية رهيبة
استخلاصات فكرية رهيبة كان يلزم لها اختبارات عقود يتم اكتشافها من الجزء المتابع اليقظ في الشعب التونسي في ربع ساعة : من هي النخبة السياسبة التي تستطيع ان تختار منها حاكما لا يقتلك او بصورة ادق لا ينكث العهد القانوني الذي بينك و بينه ...حمة الهمامي ..نجيب الشابي ..مرزوقي ..فلان ..فلان ...فلان ...الخ ...اذا نجح واحد منهم ...سواء كنت من ناخبيه ام لا ...تستطيع ان تنام في وطنك قرير العين لأنه لن ينقض الكونتراتو الي بيناتكم اي الدستور .لماذا ؟ لانهم تصدوا للانقلاب رغم انهم حزبيا مش متضررين ...ما عندهمش نواب او وزراء ...عندهم في داخلهم استيعاب للفكرة الديمقراطية .....
من هو الشخص الذي لو انتخبته او لم تنتخبه و فاز لا يمكن ان تأمنه ...لأنه ينجم يبدل الكونتراتو و يقول ننجم نغير الكونتراتو بالقوة ...مثلا لاقيم جنة الله في الارض ...او نقتلك لأنك كائن لا يستجيب للمقاييس التي رسمتها لك لأني انا نعرف شكون الصالح و الفاسد ....هو كل الي قال ايه الانقلاب الفردي على الكونتراتو ممكن ...اذا انت فائز في الانتخابات ببرشة اصوات و اذا قالولك برشة من الناس انت نظيف و الا اذا هتفت لك الجماهير في الليل بزمامر الكراهب او قالولك زوز احزاب يعرفو الباهي و الخايب راك تنجم تنقلب عالكونتراتو .....الي قالوا هذا الموقف او ما يشبهه عالانقلاب ...كان نهار ربحو الانتخابات كي ترقد في الليل ديما عس على رقبتك منهم ....