اهتزاز الشرعية السياسية و الاخلاقية للسيد رئيس الجمهورية ... دعنا من الشرعية الدستورية او الشعبية...اي اهتزاز شرعيته في المجال السياسي للنخبة الوطنية امر حاصل مهما كانت نتيجة " مساره " بقطع النظر عن تشكل جبهة لمعارضي " حركته " ام لا و بقطع النظر عن تحول " حركته " الى امر واقع بالقوة القاهرة ام لا .. .
يكفي فقط ان يتصفح قائمة اسماء من يعارضونه و يطالبون بالعودة الى المسار و المؤسسات و ان يتصفح قائمة مسانديه ....السياسة والتاريخ تجعل شرعية الحاكم في الطبقة السياسية التي تمثل قاعدة حكمه والطبقة السياسية التي تمثل قاعدة معارضته ...فضلا عن مدى تلاؤم قوة حكمه مع الحق le droit ...الشرعية معركة رمزيات ....قال اليوم : نستمد شرعيتنا من التفويض الشعبي في الشارع ...الشارع يحتسب شرعية رمزية حين يخرج للمعارض ...حين يخرج للحاكم قد يكون خروج محكومين للقوة القاهرة ....هكا تقول العلوم السياسية سيدي الرئيس ....
أحنا من النهار الاول قلنا انقلاب غلى الشرعية الدستورية و بصمنا في ليستة التاريخ الشريف و صمتنا...ينجح ما ينجحش ..يطير يجنح .يحط لوطة ..امورو …
نخب الغدر بالديمقراطية ...من الديمقراطيين المتنكرين سابقا ...نهار كامل و هم يقشقشون في اجراءات قيس سعيد ليبرروا ان ثورية ما قرره او سيقرره تسمح بافتراض ان ماحدث حاجة " عاطية " عالانقلاب اما مقبولة ديمقراطيا هاهم نصحوه من هنا هاهم اقترحوا عليه من غادي ...هاهو تلكليك ضريبات ذكريات من فساد " العهد البائد " متاع ماقبل 25 يوليو ....هاهو تذكير بممارسات النهضة ..المهم يحسو "كديمقراطيين تائبين " انه انقلاب لابس كرافات والا ازرق العمال و الطبقات الشعبية المناضلة …
هاهم يطمنو في ارواحهم ...انتصر ...الموقف الدولي ما يهمش...الفايدة مش في الدساتير ...قداش من دول حديثة ما عندهاش دساتير ...و اش كان عليه ...يا اخي نموءج تونسي ...و زيد رئيس استولى عالسلطات مش براني ....
لانهم مهزوزون ...مستعدون يعديو عشرة سوايع يدونو و يكتبو على دمقرطة انقلاب رئيسهم ..انقلاب حميد .....طيرو جنحو ...احكموها قرن اخر كان نجمتو ...حطونا الكل في الحبس كان نجمتو ...فلن تمحو انكم شهاد زور و اننا في الشرف ....كنتم اصدقاءنا حين كنا شبابا نحلم بالحرية ثم كهولا نعشق الديمقراطية ...نحن ظللنا هكذا و انتم سقطتم في مستنقع تمجيد الطغاة ....لاك تفووووووو