انس الشابي بوليس الكتب متاع بن علي ومع ذلك بهيم …

Photo

يا خسارة مطالعتك لالاف الكتب الي صنصرتهم …

انس الشابي بوليس بن علي المتخصص في منع الكتب ومراقبتها...يورد فقرة من تقرير بن سدرين يتحدث على رسالة من الغرياني لبن علي يحكيلو فيها على اختلافات داخل البي دي بي (رد خبر يعني) و في الرسالة ذكر انو ثمة خلاف وسط البي دي بي بيننا وقتها و بين نجيب فيقترح النظام انو يتم الاتصال بنا (كمختلفين) عن طريق صديق صحفي باش يخرجنا من " القطيعة " "للحوار" (يخدم علينا طبعا و يخرجنا من التطرف للاعتدال).

عادي انو بن سدرين في تقريرها طبعا تستشهد بالمراسلة باش تبين كيفاش نظام بن علي يتبع في اخبار واختلافات وتنوع الاحزاب داخليا باش يحاول يجرب حظه في تفكيك واختراق الاحزاب وتقريب كثير من اعضائها الى المعارضة الموالية ...طبعا في التقرير ذكرت الي الغرياني عطى اسماءنا لبن علي وتقرير بن سدرين خرجنا بالأحرف الاولى ...زايد كان تنجم تذكر اسماءنا لان استقالتنا كانت وقتها بنصوص و مقالات علنية و بأسباب باش يعرفو الناس انها صحيحة و شرعية .... …

ما عليناش.. طبعا الصديق الصحفي لم يتصل و احنا قعدنا في القطيعة مش في الحوار حتى ذهاب بن علي ...اسباب استقالتنا وقتها واختلافاتنا كانت تكتب علنا وشكلنا بعد ذلك تحالف المواطنة والمساواة مع التكتل والتجديد والعود الي هو زادة في القطيعة مش في الحوار بالمعنى الي يقصدو بن علي وذلك بعد انفراط عقد 18 اكتوبر ....

هو لا خير في سهام الي تنشر خبر التقارير متاع النظام الي اصلا ما تهمش المذكورين في التقرير الي هو عليهم يعني هم كانوا موضوع سيتم الاشتغال عليه وزيد المفروض تجيب مثال متاع اختراقات ناجحة للأحزاب لانو احنا كنا استقالة مش اختراق ...الاختراق سري راهو يا بوهالي .....

لكن الغريب هو انس الشابي بوليس بن علي الي يستشهد بتقرير سهام بن سدرين .... ايه انت بوليس شنوة مشكلتك مع من كانوا يمكن يخرجو من القطيعة مع بن علي للحوار معاه لو جدت عليهم الحكاية .... قال على خاطر توة بوعجيلة ثوري وبالتالي هاني نقوللكم راهو كان يمكن يولي يتحاور مع بن علي عوض القطيعة معاه .... بوليس متاع كتب ومع ذلك بهيم.

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات