أنا مبدئيا وجذريا مع الاختصاص الإداري/السياسي لمسؤولي الدولة. الدولة مؤسسة عقلانية حديثة لا تدار بالغوغائية.
تعيينات الولاة الأخيرة كأنها خطوة مدروسة في تهنتيل الدولة. هذه مقتطفات من كلمة والي قابس الجديد :
"نحب نرجّع ڤابس... ڤابس متاع قبل 2010 ( الوضع ساء نعم... لكن الإحالة إلى القديم فقر في الطموح).
عندي شعار جاي بيه.. شعاري هو نرجعو البلاد كيما كانت (كانت سيئة وسيئة جدا).
جاي باش نهزو القفة مع بعضنا الكل.. ( هزان القفة معناها القوادة في تونس.. نقولو نهزوا وذان القفة.. والفرق كبيييير).. هي قفة باش نتحملوها المسؤولية مع بعضنا الكل القوابسية.. راهي لا ما هزيناهاش حنا. والله لا هزهالنا واحد (جهوية مقيتة وعدم فهم لفكرة الدولة).
قابس عندها تاريخ.. فمة ولايات قاعدة جديدة (تفاخر جهوي غوغائي).
نرجعو الهِيبة للولاية متاعنا. الهِيبة لازمها ترجع.. راهي لا ما رجعتش الهِيبة متاعنا ضاع السبيل متاعنا وضاع الطريق ( اسمها هَيْبة يهديك).
انا لقيت سطل زبلة حاشاكم نطبس عليه نهزه.. لاش نستنى في البلدية انا... ( مشكل الزبلة موش في هزانها.. في معالجتها علميا.. فركة وعود حطب)
لذا نعملو ايدينا في بعضنا الكل (نقولو نحطو ايدينا في يدين بعضنا.. ماكانش الدلالة تولي موش باهية).
ونكبسو السنتِير.. ( ميسالش كي تقول الحزام والا السبتة.. موش عيب أنك لا تحسن نطق الأصوات بالفرنسية.. ما لزّك حد عليها).
شكرا ل"صاحب" التعيينات.