أنا الحقيقة نتفهّم جدا الروح الوطنية الفيّاضة والمحرحرة متاع السيد النائب المقاوم الهصور والمقدام، ونعرف اللي هو شابّ يتّقد وطنية بما يجعله مؤهلا لاستنساخ تجربة الفيتكونغ في تونس وتمريغ أنف أمريكا في وحل سبخة السيجومي إذا تمادت في غيّها وحدّثتها نفسها مجرّد حديث بالتحكحيك على تونس...،
آما الحقيقة نحبّ نتوجّهلو بلوم خفيف في بعض النقاط بصيفتو مرشّح باش يكون هوشي منه تونس:
أخي أحمد هوشي منه.. من الخطأ التكتيكي أنك تقلل من قيمة العراق وسوريا ولبنان.. وحتى اليمن.. وتقول اللي تونس أقوى منهم برشا! ممكن ياسر ياخذوا في خاطرهم منّا وما يعاونوناش وقت في حربنا الشعبية طويلة الأمد اللي باش نشنّوها على أمريكا.
أنا رأيي تكتيكيا لازمك تعدّل شوية الجملة هاذي.
والحاجة الثانية.. بصراحة ما حقّكش طاڤيت سفارة أمريكا في تونس! الأسلم حسب رأيي المتواضع أنك ما تكشفش الخطة متاعك.. وتخلّي أمريكا راقدة على وذنيها.. وتفاجأها وهي راقدة!
الباقي الكلّ موافقك عليه.. واعتبرني منذ الآن جندي من جنودك.. يا هوشي منه يا وحيّد!
وربي يحبّس علينا طرف دين.. باقي حتى العقل أيّسنا منو!
وتبا.