معناها ترفض مقابلة نجيب الشابي.. وتستقبل عبير في مقر الاتحاد وما أدراك..!! بصراحة ينعنبو الوقت واكاهو... خاطر وقت اللي الشابي كان يعمل في السياسة في السبعينات في منظمة العامل التونسي ويساهم في تأسيس فكرة السياسة في هالبلاد.. كنت أنت.. وسامحني في الكلمة.. ما تعرفش تكتب اسمك.
نعرف الأمية في جيلك منتشرة وساعات واحد يمشي ضحية طيش وهرج متاع صغر ويضيّع قرايتو.. ونعرف اللي العمل النقابي ما يتطلبش كفاءة أكاديمية.. أما عاد تولّي تعمل قدرك من قدر نجيب الشابي...!.. بصراحة وقتها معادش انجم نفهمك.
بلوغة أخرى يا سي نور الدين.. راك كيف اللي نسيت روحك شوية بصراحة.. موش خاطرك وصلت بالزهر والحسابات للأمانة العامة متاع أكبر منظمة في البلاد.. وضحكولك.. تتمدّ على طولك..
عبير المخبرة الرديئة عار عالسياسة وعلى مقر الاتحاد.. ومجرد استدعائها فضيحة للاتحاد.. هو في الحقيقة.. حتى أنت فضيحة في تاريخ الاتحاد... قبل ما ننسى.. شنوّة اللي مقلّقك وقت نجيب الشابي يولي رئيس حكومة والا رئيس دولة.. ؟
لا عاد ما تقلّيش حاطط راسك من راسو وتشوف في روحك أولى منو...؟ عاد وقتها نحطّو ليلى حداد رئيس وطاح راح.