بصراحة رشيدة النيفر طلعت "رجل دولة" بامتياز … حسب العرف السياسي العبارة figée.. تصح على الذكر والأنثى.. قدّ ما حاولوا فيها الصحفيون باش تفشي أسرار الدولة تمنّعت واستبسلت كما يجدر برجل دولة ورفضت الحديث عن أسرار القصر..
عفست على الجرح متاع طردها مالقصر وإهانتها.. ولم تنْسقْ لتصفية حساباتها الشخصية مع الرئيس الذي أطردها وفضّل عليها تلميذتها نادية…
أما الله غالب.. تحت إلحاح الصحفيين اضطرت المسكينة إلى كشف سر رئاسي خطير جدا.. نطقت السر في خشوع كنسي.. وحنجرتها تحشرج بالبكاء.. والعبرة تخنقها.. قالت أن الرئيس يعمل 20ساعة كاملة بلا انقطاع في اليوم الواحد.
يا الله.. عين الحسود فيها عود ومادرية وبار حديد بو12 يا رب.
يا رشيدة وخيتي.. ياخي ما سمعتش اللي الرغبة في الدين.. موش في الفارينة…!؟؟