ابراهيم بودربالة.. هو قيس سعيّد متاع المحامين…

انا بصراحة اليوم أول مرة نركّز معاه ونسمعو.. ملاّ محامي وملاّ هو.. والله خلاّني نقتنع نوعا ما بظاهرة ليلى حداد في المحاماة.

اسمع اش يقول "هل رأيتم كيف ترذّلت الحياة البرلمانية.. هل رأيتم المشاهد المخزية التي الشعب التونسي من جرائها يَنبِضْ بعض التصرفات لبعض المحامين الذين أعطوا صورة سيئة لمهنة المحاماة؟ والحمد لله أن الشعب التونسي الآن أصبح يفرّق عندما استمع إلى عميد المحامين وهو يتحدث فهم اش معنتها يعني التفريق بين المهنة ووظيفتها ودورها وفهم ما بين العمل السياسي... ".

الشعب يَنبِضْ يا ابراهيم؟ ينبض يا رسول الله؟ ياخي قريت في المكتب وفي الجامعة يا ابراهيم؟ وزيد متأكد اللي الشعب التونسي فاق وبدا يفرق بين المحاماة والسياسة بعد ما سمعك أنت؟

تي جاب ربي الشعب ما يسمعش فيك.. باقي راهو كفر بالمحاماة والمحامين وبالقراية ضربة وحدة ... تي أحمد ربي الناس ما تسمعش فيك.. قالّو عميد محامين... بصدق.. ننصحك احترم تاريخ المحاماة واستقل... وامش اعمل دروس تدارك في النبض والنبذ.. والنبيذ كان لزم.

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات