يواصل قيس سعيد في رفض التوقيع على مشاريع القوانين من البرلمان لسبب أو لآخر،
- تواصل رئاسة الجمهورية عدم اخذ المبادرة لاحتواء "الحوار الوطني" وخاصة مبادرة الاتحاد،
- يواصل المشيشي في العمل بنصف أعضاء الحكومة وتعبئة قوات الامن عند الحاجة وفي التواصل لتدارك الاحداث والاخبار (الاشاعات)، موش استباقها،
- تواصل الحكومة في عدم بحثها عن حلول جدّية للخروج من الازمة الاقتصادية،
- يواصلوا الوزراء القْدُمْ الفاشلين الخروج للإعلام لإعطاء الدروس الفارغة،
- يواصلوا مكاتب سبر الآراء العمل متاعهم بدون قانون كامل ينظم القطاع،
- يواصلوا اعضاء البرلمان الناشطين في الاهتمام بمشاكل ما تعنيش التوانسة،
- يواصلوا "بعض المتقففين" الاستقالة او الاصطفاف للأحزاب اللي ما عندها ما تقدم للبلاد بدعوى ضرب الاحزاب متاع "المنظومة الحالية"، ويعاودوا ديما يقولوا اللي هوما ما ينتميوا لحتى حزب، كينو عيب العمل السياسي واللا ممنوع كيما في وقت النظام السابق،
- يواصل جزء مالاعلام الاهتمام بهوامش الاحداث وحق الرد متاع نرمين صفر على تصريح نانسي عجرم، وحق الرد متاع التبيني على تسريبات فارغة وتصريحات عبو ضد موسي،
- تتواصل السياسة الخارجية في تطييح القدر متاع التوانسة في الخارج، وبلاش استراتيجيا تجارية تليق بالكفاءات الموجودة غادي في تونس،
- يتواصل الاهتمام "الغالط" بيش ما نقولش السطحي متاع السلطة التنفيذية والتشريعية بالسياسة النقدية ومكاتب الصرف، بدون الحديث عن اصلاحات جدية للنظام البنكي والكلفة العالية متاعو وقلة الدور الرقابي والتعديلي للقطاع،
شنوة باش يكون مصير البلاد بعد عامين ؟