معنديش ضو.. برّه ركّب الطاقة الشمسية على روحك اش تحبني نعملك نا.. نولي برڨ ونضوي عليك .
معنديش ماء.. برّه احفر بير والا جايبة والا تبّع نظام الطيّبات ونحي الماء جملة، المهم تصرّف السدود شايحة.. غيمة نا باش نصبّ عليك !
وقبل معنديش قطيع.. اشري اللحم بستين دينار، والا ولّي عاشب، وعيّد و الا لا عيّدت، لاهية بيك انا.. خليني يعيشك مشغوبة بحجّ الوزراء!
وقبل قبلها.. مريض وينو الدواء.. ما معنديش كيفاش نشري الدواء نا والصيدلة المركزية فالسة.. موت الله لا يربحك!
وقبلها سكر، قهوة، زيت حاكم، خبز، فارينة... ما ثماش.. منين يا حسرة، الدعم نحب يمشي لمواليه، اشكون مواليه، اش يهمك انت!
النقل ما ثماش.. واشبيها رجليك مكسّره، باهي المشي.. امشي توه تخلط!
المدارس تاعبة وما فيهاش مرافق و مدرسين.. وانت اش تعمل بيه التعليم؟.. محسوب تتولي تنتخب بعقلية ناخب فرنسي والا امريكي!
زيد لهنا بالة ڨرط يا فاطنة زيد …