باهي ياسيدك بن سيدك هوشي 7 اكتوبر تم بالتنسيق مابين ناتنياهو وقيادة حماس لتصفية القضية الفلسطينية( بربي ماتقوليش وحماس اش رابحة؟ ) ياولدي حماس إخوان والإخوان عملاء لبريطانيا وأمريكا مهتمهم تدمير الأمة العربية( باللازمة كان تڤولي ايه واش رابحين هم نقص لا عاد نكتب حرف)..
عاد ناتنياهو مايساعداش حكاية الأسطول هاذي كلم أمير قطر ( عضو في التنظيم العالمي باش تفهم) قاله كلم جماعتكم في تونس يعملولي حل. ڤاله ياولدي بكلهم في الحبس، ڤاله تصرّف كيفاش، اي عاد ولى كلم اردوغان( عضو في ت. ع ثانة حتى هو).. المهم وقت مشي سمير ديلو يطل على الشيخ امس ڤاله كلمتين " البركيّة والسيڤارو".. وصّلهم عمك سمير سخونين لقائد الجهاز السري.. وتكلنشت العملية..
واحد من الجهاز السري درباته الموساد على صناعة المسيرات في مدرسة الرّڤاب اتصل بعبد الحكيم بالحاج ڤاله ابعثلي ذخيرة سمحة باش نِلحِمْها في المسيرة.. سي عبد الحكيم يعرف واحد من إئتلاف الكرامة اسمه الحركي هو ع. ع يتخفى تحت صفة ناشر وشاعر وأديب و دراشنوه وهو في الأصل يهرب في السلاح والدروڤ على الخط متاع غدامس ذهيبة.. المهم وصل القضية..أما الغنوشي يمشي ويحرّص عليهم ڤاللهم وقت فرانشيسكا البانيز تشعّل السيڤارو ارمو القضية من فوڤ كاموفلاج وكذا…
وڤولي تو القضية شنيه؟ بريميس سيدي خويا، اي اي بريميس: موش يمشي بالالكول؟ وقت يتلاڤى كول البريميس ( ذكر) مع كول البريكية ( انثى) على الدرجة صفر( مستوى سطح البحر) تشعل الدنيا خويا: هاذاي علم الكيماء عاطية على الجغرافيا، والمخبر متاعها موجود في النفق الي تحت دار السفير الفرنسي ( بحذا الاسطول باللامارة).. دواليب خويا دواليب.
ماتڤوليش عاد واش رابحة النهضة؟ ماهو اربط عاد مع قانون استعادة الديمقراطية والربيع العبري وليبيا وسوريا وتشيكوزلومانيا..دوليب دواليب.
وامر الله يقضيه الله