في ورطة ...لاصقين كالطحال في الكرشة..

Photo

بعد الاحتفال الاستعراضي البارحة متاع 93 نائب ...يفترض ان يتواصل الهجوم لتسجيل الهادف القاتل .... ويبدأ تركيح الكورة ...لين يموت الماتش.. في حكومة متاع حداثة يقودها سي نبيل ... لكن لم نسمع خبرا .... وكأن الجماعة رجعوا يلعبوا لتالي.. مكتفين بهدف وحيد.

بينما العدو الغاشم تقدم وسجل طبقا للدستور ...وأعلن الترحيب بحكومة وحدة وطنية يعني مكبش في السلطة ...وصاحب باي كامل .... ويفاوض من تخويل انتخابي ودستوري .... باتفاق مع الرئيس. يا ولدي بالك مستعجل في الاستنتاج؟؟؟

ممكن لكن ماهو قلنا ثم عقدة في المنشار اشكون يتحمل مسؤوليتها السياسية مسح ملف سي نبيل له ثمن .... اشكون يقدر تحت رقابة شعب حر ورئيس نظيف وبرلمان حذر ...واحزاب تاكل وتقيس ...وشعارها مقاومة الفساد ...ان يمسح الملف ويتعاقد مع صاحبه سياسيا في حكومة مهمتها مقاومة الفساد.

طارت السكرة ....

الشاهد ينتظر التكليف …من قيس النظيف والتكليف يعني الاستعانة بالقروي والقروي يحب يمسح الدوسي والرئيس ما يحبش والشاهد واحل في الزنقة. عبير عارضة كتلها …وكتلها صغيرة …ما تاثرش.. والشاهد يحب على كتلتها ومتحشم …صوتيلي وقولي معارضة …

ومتاع شبيبة التجمع كما نصاب الكلاسط في شارل ديقول وين يشوف الخوف يحمل شكارة ويتخبي في دروج عمارة.. لين يتعدى الخطر …تويجر صغير…ما يرتقيش الى بياع حنة وملوخية في سوق جارة … والشبيحة؟؟

في ورطة …لاصقين كالطحال في الكرشة.. يا ويلهم النظافة بلا حكومة يا ويلهم حكومة امسخه تقتل الاخوان المسلمين …مهمتهم الازلية.. ووزنهم في الاخير غير معدل …

دبرناش 109؟ مازلنا… نمشوا للانتخابات. ورطة اخرى يا راجل!!!

العدو قاعدته مستقرة …نصف الناخبين تقريبا وزيد وجعناه في حكومته ودبر برشة تعاطف …. في الطريق …شهرين نتمنكيو عليه والناس فاقت …بينا …يا ولدي برشة عباد تبكي معاهم على الي عملنا فيهم بالحرام لما يهزها الكل المرة هذي …

اش عملنا وجاء مليح؟؟؟ طارت السكرة!! هات حكومة …الي يجي …وصوت واسكت …. حتى لين …وقتاش؟ يا ولدي وقتاش؟

صب صب …حشيناهولنا …. كان عدينالهم الجملي …نشيخوا عليهم ….

Poster commentaire - أضف تعليقا

أي تعليق مسيء خارجا عن حدود الأخلاق ولا علاقة له بالمقال سيتم حذفه
Tout commentaire injurieux et sans rapport avec l'article sera supprimé.

Commentaires - تعليقات
Pas de commentaires - لا توجد تعليقات