الطماطم جابها كريستوف كولمب من امريكا ..وسماها هو او جماعته البومودور ..او التفاحة الذهبية ..وجاب معاها التبغ والهندي والبطاطا ولم تكن كلها معروفة في العالم القديم اي حوض المتوسط . ومع الوقت صار اسمها في الشرق العربي البندورة ...وفي المغرب الطماطم ..ما علينا …
الطماطم دخلت تونس مع الطليان احبابنا .. اقصد جماعة مونيكا بيلوتشي الغالية ...على قلبي . ومنهم تعلم اهل تونس المقرونة بالصالصة والصالصة عمقها طماطم مثل البيتزا ...والتوانسة زادوها الهريسة العربي تحت تأثير مباشر من النوابلية ... الي حرقوني بالحار ذات يوم ..ما علينا …
بعد دهر وصل الطليان اهل مونيكا الى أن الطماطم ليست غداء نافعا لذلك عدلوا المقرونة الى مقرونة شهباء باقل القليل من الطماطم وخاصة بالطماطم المجففة تحت شمس تونس ...وتوا مقرونتهم حلوة لكن بلا طماطم وبقي التونسيون ينتجون الطماطم لصالصة المقرونة ويبذلون في كل كيلو مصبر منها 4 متر مكعب من المياه .............يعني لما عزوز طليانة تحضر مقرونة بصالصة مكثفة يكون على مائدتها اربع متر مكعب من ماء تونس الفقيرة الى الماء ..
حبيبي يا الياس سربي لخوك ... وايجا نحكيو على مونيكا الحلوة ...لعل ان ...اخ .................اللعنة ....مونيكا بالصالصة ...وبلح البحر ....وانا عمري عشرين وليس بي موانع بدوية ...جئت بها من جنوب الابل الشاردة ............